पर्थ — पाकिस्तानले ट्वान्टी–२०  विश्वकपमा आइतबार पहिलो जित निकालेको छ । सुपर–१२ को ग्रुप–२ को खेलमा पाकिस्तानले नेदरल्यान्ड्सलाई ६ विकेटले हराएको हो । सुरुआती दुई खेल गुमाएयता यो जितले पाकिस्तानलाई राहत प्राप्त हुनेछ । 

टस जितेर पहिले ब्याटिङ गरेको नेदरल्यान्ड्सले २० ओभर उपयोग गरेर ९ विकेटमा ९१ रन मात्र बनाउन सक्यो । कोलिन अकेरमनको सर्वाधिक २७ रन बनाए । पाकिस्तानी बलरमध्ये सदब खानले २२ रन खर्चेर ३ विकेट लिए ।

पाकिस्तानले जवाफमा पाकिस्तानले १३.५ ओभरमा ४ विकेट गुमाएर ९५ रन बनायो । त्यसमा प्रारम्भिक ब्याटर मोहम्मद रिजवानले ३९ बलमा ४९ रन बनाए । उनले ५ चौका प्रहार गरे ।

यो जितपछि पाकिस्तानको ३ खेलबाट २ अंक भएको छ । नेदरल्यान्ड्स भने ३ खेलमा पराजित रहेर शून्य अंकमा रहेको छ ।