हुमागाईंमाथि कारबाही माग

सचिव अञ्जन खड्काको नेतृत्वमा रहेको मञ्च प्रतिनिधिमण्डलले एन्फा अध्यक्ष पंकज नेम्वाङलाई बुधबार उक्त पत्र बुझाएको थियो । नेपाल र बंगलादेशबीचको अन्तर्राष्ट्रिय मैत्रीपूर्ण खेलपछि आयोजित पोस्टम्याच कन्फ्रेन्समा हुमागाईंले खेलकुद पत्रकारप्रति आपत्तिजनक हुँदै पदीय मर्यादाविपरीत कार्य गरेका थिए । उनले यसैक्रममा मञ्चलाई आर्थिक सहयोग गर्ने प्रलोभन देखाएका थिए । मञ्चले हुमागाईंका गैरजिम्मेवार प्रस्तुतिले अन्ततः नेपाली फुटबलमाथि नै कहिल्यै पुर्न नसकिने आघात र व्यवधान पुर्‍याउनेतर्फ एन्फालाई सचेत गराएको छ ।