माल्दिभ्स जाने बास्केटबल टोलीको बिदाइ- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

माल्दिभ्स जाने बास्केटबल टोलीको बिदाइ

कान्तिपुर संवाददाता

काठमाडौँ — माल्दिभ्समा हुने साबा महिला बास्केटबल च्याम्पियनसिपमा भाग लिन १३ खेलाडीसहित १५ सदस्यीय नेपाली टोलीलाई बिदाइ गरिएको छ । टोलीलाई राष्ट्रिय खेलकुद परिषद्का सदस्य–सचिव टंकलाल घिसिङले बिदाइ गरे ।

प्रतियोगिता सेप्टेम्बर २४ देखि ३० तारिखसम्म हुनेछ । खेलाडीमा कप्तान सदिना श्रेष्ठ, एलिना गुरुङ, एलिशा मल्ल, अमिशा घले, अनुशा मल्ल, विनामणि योञ्जन, गरिसा सिलवाल, मीना गुरुङ, मुना महर्जन, प्रतीक्षा मगर, रचना श्रेष्ठ र श्रेया खड्का छन् ।

प्रशिक्षकमा विकास शाही र व्यवस्थापकमा निरञ्जन सत्याल छन् । फिबा रेफ्री राजकुमार महर्जनले प्रतियोगितामा निर्णायकको भूमिका निर्वाह गर्ने छन् । टोली सेप्टेम्बर २३ मा माल्दिभ्स जानेछ ।

प्रकाशित : आश्विन ४, २०७९ २१:३०
प्रतिक्रिया
पठाउनुहोस्

एलेन र इभाना क्याडेट च्याम्पियन

कान्तिपुर संवाददाता

काठमाडौँ — आदर्श विद्यामन्दिर (एभीएम) का एलेन महर्जन र इभाना थापाले केकेएम/एनआरटी खुला टेबलटेनिस प्रतियोगितामा स्वर्ण पदक जितेका छन् । क्याडेट सिंगल्स ब्वाइजमा एलेन र गर्ल्समा इभाना च्याम्पियन भए ।

काठमाडौं खेल मण्डल (केकेएम) र न्युरोड टिम (एनआरटी) को संयुक्त आयोजनामा भइरहेको प्रतियोगिताको ब्वाइज फाइनलमा एलेनले भानुभक्त मेमोरियलका उज्ज्वल मानन्धरलाई ११–५, ११–७, ११–७ को सोझो सेटमा हराए । आयोजकका शंकर पहाडी र एभीएमका अतित गुरुङ तेस्रो भए ।

लैनचौरस्थित राष्ट्रिय टेबलटेनिस प्रशिक्षण केन्द्रमा भएको गर्ल्स फाइनलमा इभानाले आयोजककी नर्मदा खाइतुलाई ११–८, ११–६, ११–३ ले हराइन् । एभीएमका आर्सना महर्जन र साइरा शाक्य तेस्रो बने ।

खेलाडीले ११ स्पर्धा प्रतिस्पर्धा गर्नेछन् । भेट्रानका ५ स्पर्धाबाहेक सबैमा नगद पुरस्कार राखिएको छ । पुरुष र महिला सिंगल्स विजेताले ५० हजार, दोस्रोले २५ हजार र तेस्रोले १०–१० हजार पुरस्कार प्राप्त गर्नेछन् । जुनियर ब्वाइज र गर्ल्स सिंगल्स (यू–१९) तथा क्याडेट ब्वाइज र गर्ल्स सिंगल्स (यू–१५) मा शीर्ष तीन स्थान हात पार्नेले क्रमशः १० हजार, ५ हजार र समान २ हजार ५ सय नगद पुरस्कार हात पार्नेछन् । स्पर्धा शुक्रबारसम्म चल्नेछ ।

प्रकाशित : आश्विन ४, २०७९ २१:२०
पूरा पढ्नुहोस्
प्रतिक्रिया
पठाउनुहोस्
x
×