गोदावरीमा दिनेश स्मृति फुटबल- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

गोदावरीमा दिनेश स्मृति फुटबल

कान्तिपुर संवाददाता

काठमाडौँ — नमुना स्पोर्ट्स क्लबको आयोजनामा ललितपुर गोदावारीमा शुक्रबार भएको १९औं संस्करण दिनेश स्मृति गाईजात्रा कप फुटबल प्रतियोगिताको क्वाटरफाइनल समीकरण पूरा भएको छ ।

सेन्ट जेभियर्स फुटबल मैदानमा शुक्रबार आयोजक नमुना स्पोर्ट्स क्लब ‘ए’ ले सिर्जनशील युथ क्लबलाई १–० ले हरायो । गोदावारी विकास युथ क्लबले नयाँबाटो युथ क्लबमाथि २–० को जित पायो ।

गोदावारी युनाइटेडले पहरी एफसीलाई १–० ले, नव समकालीन समाजले शान्तिवन युथ क्लबलाई ३–१ ले र लाकुर फुटसलले ड्रिमर एफसीलाई २–१ ले हराएर क्वाटरफाइनल स्थान बनाए । टौखेलले गतिशील युथ क्लबलाई पेनाल्टी शुटआउटमा ५–४ ले पन्छायो । खालीबारी एफसीले आयोजक नमुना ‘बी’ लाई पेनाल्टीमै ५–३ ले र लास्ट आउट खुमलटार हाइटले नवसोच युथ क्लबलाई पेनाल्टीमै ५–४ ले पराजित गरे ।

क्लबका अध्यक्ष डम्बरबहादुर स्याङ्तानले क्वाटरफाइनलदेखि फाइनल शनिबार हुने बताए । विजेताले ३० हजार र उपविजेताले १५ हजार रुपैयाँ जित्नेछन् ।


प्रकाशित : श्रावण २७, २०७९ २१:२९
प्रतिक्रिया
पठाउनुहोस्

प्रसिद्ध लेखक सलमान रुस्दीमाथि अमेरिकामा सांघातिक आक्रमण

कान्तिपुर संवाददाता

काठमाडौँ — विश्वप्रसिद्ध लेखक सलमान रुस्दीमाथि अमेरिकाको न्युयोर्क सहरमा सांघातिक आक्रमण भएको छ । न्युयोर्कमा एउटा कार्यक्रममा बोल्ने क्रममा रुस्दीमाथि आक्रमण भएको हो ।

आक्रमणपछि रुस्दी भुइँमा ढलेका थिए । रुस्दी भुइँमा ढलेपछि कार्यक्रममा उपस्थित अन्य मानिसहरू मन्चमा पुगेर उनलाई उठाउँदै गरेको तस्बिर सामाजिक सञ्जालमा पनि पोस्ट भएका छन् ।

प्रहरीले छुरा प्रहार भएको बताए पनि पीडितको नाम भने सार्वजनिक नगरेको एएफपीले जनाएको छ । साथै रुस्दीको स्वास्थ्य अवस्थाको बारेमा तत्कालै जानकारी प्राप्त हुन नसकेको बताइएको छ ।

भारतमा जन्मिएका उपन्यासकार रुस्दी सन् १९८१ मा प्रकाशित कृति 'मिडनाइट चिल्ड्रेन'बाट विश्वप्रसिद्ध भएका थिए । सो किताव बेलायतमा मात्रै १० लाख प्रति बिक्री भएको थियो । ७५ वर्षीय रुस्दीले हालसम्म चार पुस्तक लेखेका छन् ।

सन् १९८८ मा लेखेको 'द सटानिक भर्सेस'का कारण उनी नौ वर्षसम्म भूमिगत बस्न बाध्य भएका थिए । उनले लेखेको पुस्तकले धार्मिक अनादर गरेको भन्दै उनीविरुद्ध फतवा जारी गरिएको थियो ।

पुस्तक प्रकाशित भएको एक वर्षपछि इरानका सर्वोच्च नेता अयोतोल्लाह रुहोल्लाह खोमिनीले रुस्दीको हत्या गर्न आह्वान गर्दै उनको टाउकाको मूल्य ३० लाख अमेरिकी डलर तोकेका थिए । पुस्तक प्रकाशित भएपछि भएको हिंसात्मक प्रदर्शनमा दर्जनौं मानिस मारिएका थिए । जसमा पुस्तकका अनुवादक पनि थिए । रुस्दीविरुद्धको टाउकाको मूल्य अहिले पनि कायम छ ।

प्रकाशित : श्रावण २७, २०७९ २१:२०
पूरा पढ्नुहोस्
प्रतिक्रिया
पठाउनुहोस्
x
×