हालेप र रेबिकिना अन्तिम चारमा- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

हालेप र रेबिकिना अन्तिम चारमा

एएफपी

लन्डन — पूर्वच्याम्पियन सिमोना हालेपले विश्व टेनिसमा आफ्नो पुनरागमन कायम राख्दै बुधबार अमेरिकाकी अमान्डा एनिसिमोभालाई हराइन् । यससँगै उनी विम्बल्डनको अन्तिम चारमा प्रवेश गरिन् ।

रोमानियाली हालेप १६ औं वरीयता प्राप्त खेलाडी हुन् । तर चोटका कारण सन् २०१९ मा उनी संन्यानको संघारमा पुगेकी थिइन् ।

तर अहिले पुनरागमनको क्रममा रहेकी ३० वर्षीया हालेपले एनिसिमोभालाई ६–२ र ६–४ ले हराइन् । उनले जितका लागि एक घण्टा तीन मिनेट खर्चिएकी थिइन् । अब दुई पटकको ग्रान्ड स्लाम विजेता हालेपले काजाकिस्तानकी एलेना रेबिकिनाको सामना गर्नेछिन् ।

रेबिकिनाले अर्को खेलमा अस्ट्रेलियाकी एजला टोमलजानोभिचलाई ४–६, ५–२ र ६–३ ले हराइन् । पहिलो सेट गुमाएयता रुसी मुलका काजाक खेलाडी रेबिकिनाले उत्कृष्ट प्रदर्शन गर्दै खेलमा फर्कैँदै जित निकालेकी थिइन् ।

प्रकाशित : असार २२, २०७९ २०:२९
प्रतिक्रिया
पठाउनुहोस्

मूल्यवृद्धिले ट्रक व्यवसाय धरापमा परेको व्यवसायीको गुनासो

सन्जु पौडेल

तिलोत्तमा — पेट्रोलियम पदार्थमा भएको मूल्यवृद्धिले ट्रक व्यवसाय गम्भीर स्थितिमा पुगेको व्यवसायीले गुनासो गरेका छन् । पश्चिमाञ्चल यातायात व्यवसायी समिति बुटवलले बुधबार आयोजना गरेको कार्यक्रममा वक्ताहरुले राज्यले भाडादर प्रणाली कायम नगर्नाले व्यवसाय ओरालो लागेको गुनासो गरेका हुन् ।

उनीहरुले सरकारले यातायात व्यावसायीको पक्षमा काम गर्नेलाई प्रोत्साहन गर्न नसकेको समेत बताए ।

नेपाल ट्रक यातायात व्यावसायी महासंघका वरिष्ठ उपाध्यक्ष लोकराज पोखरेलले यातायात क्षेत्रको खस्कँदो अवस्थालाई सुधार गर्न चुनौतीसँगै अवसर पनि रहेको जनाए । उनले सरकारले तय गरेको भाडादर कायम गर्नुपर्नेमा जोड दिए ।

उनले बढ्दो महँगी र घट्दो भाडादरले गाडीको खर्चसमेत धान्न गाह्रो भएको बताए । सो अवसरमा पश्चिमाञ्चल यातायात व्यवसायी समितिका अध्यक्ष यमप्रसाद पाण्डेले थला पर्दै गएको व्यवसायलाई चलायमान बनाउन व्यवसायीबीच एकता जरुरी रहेको बताए ।

प्रकाशित : असार २२, २०७९ २०:१९
पूरा पढ्नुहोस्
प्रतिक्रिया
पठाउनुहोस्
×