दिलीप प्रतिष्ठान च्याम्पियन
काठमाडौँ — दिलीप स्मृति प्रतिष्ठान प्रथम उपत्यकाव्यापी तेक्वान्दो प्रतियोगितामा आइतबार ६ स्वर्ण र ३ रजत पदक जित्दै टिम च्याम्पियन बनेको छ ।
मदन भण्डारी स्पोर्ट्स एकेडेमीको आयोजनामा भएको प्रतियोगितामा ३ स्वर्ण, १ रजत र १ कांस्यसहित कोटेश्वर तेक्वान्दो डोजाङ दोस्रो भयो । तेस्रो स्थानको मूलपानी तेक्वान्दो डोजाङले २ स्वर्ण, ३ रजत र २ कांस्य हात पार्यो । शीर्ष तीन स्थान हात पार्नेले क्रमशः २० हजार, १५ हजार र १० हजार रुपैयाॅ पुरस्कार प्राप्त गरे ।
त्रिपुरेश्वरस्थित राखेप कभर्डहलमा सम्पन्न प्रतियोगिताको पुरुषमा कोटेश्वरका सागर घिमिरे र महिलामा प्रतिष्ठानकी भवानी बुढाथोकी उत्कृष्ट खेलाडी चुनिए । दुवैले जनही ५ हजार पुरस्कार पाए । पुरुष/महिलाका ८–८ विधामा प्रतिस्पर्धा भएको प्रतियोगिता संयोजक मनोज खड्गीले जनाएका छन् ।
प्रकाशित : असार २०, २०७९ ०७:३५प्रतिक्रिया
