पुलिस क्लब महिला भलिबलको फाइनलमा

कीर्तिपुरस्थित मल्टीप्रपोज कभर्डहलमा बिहीबार राउन्ड रोबिन लिगको अन्तिम खेलमा पुसिलले एपीएफलाई २५–१८, १४–२५, २५–१७, २५–२० सेटमा हरायो ।

दुवै खेल्नुअगाडि नै फाइनल पुगिसकेका थिए । पुलिस शीर्ष र एपीएफ दोस्रो स्थानमा रहँदै फाइनल पुग्न सफल भयो । अब शनिबार उपाधिका लागि पुलिस र एपिएफबीच प्रतिस्पर्धा हुनेछ ।

त्यसअघि बिहीबारै आयोजक न्यु डायमन्ड स्पोर्ट्स क्लबले परोपकार आदर्श माविलाई २५–२२, २५–१०, २५–१४ को सोझो सेटमा पराजित हरायो । डायमन्डले ३ खेलमा पहिलो जित हो । परोपकार अंकविहीन भयो । डायमन्ड र परोपकारबीच पुन: तेस्रो स्थानका लागि प्रतिस्पर्धा हुनेछ ।

विजेताले ५ लाख र उपविजेताले २ लाख ५० हजार रुपैयाँ पाउने गर्नेछन् । प्रतियोगिताको मुख्य उद्देश्य न्यु डायमन्ड स्पोर्ट्स क्लबको भलिबल कोर्ट निर्माण सहयोगार्थ रहेकाले पुरस्कारवापतको २० प्रतिशत रकम दिनुपर्नेछ ।