ई–स्पोर्ट्स च्याम्पियनसिपमा पाँच स्पर्धा- खेलकुद - कान्तिपुर समाचार

ई–स्पोर्ट्स च्याम्पियनसिपमा पाँच स्पर्धा

कान्तिपुर संवाददाता

काठमाडौँ — नेपाल ई–स्पोर्ट्स एसोसिएसन (नेसा) ले पाँच खेल समावेश गर्दै ‘नेपाल ई–स्पोर्ट्स च्याम्पियनसिप’को तेस्रो संस्करण असार २३ देखि २३ गतेसम्म आयोजना गर्ने भएको छ । कोभिड–१९ महामारीका कारण तीन वर्षयता पहिलोपल्ट गर्न लागिएको च्याम्पियनसिपका विजेताले विश्व च्याम्पियनसिप छनोट खेल्नेछन् ।

नेसाका अध्यक्ष सुरज डंगोलले भने, ‘तेस्रो नेपाल ई–स्पोर्ट्स च्याम्पियनसिपलाई १४ औं वल्र्ड ई–स्पोर्ट्स च्याम्पियनसिपको छनोट पनि हो । नेपाल च्याम्पियन हुनेले क्षेत्रीय (दक्षिण एसियाली) छनोटमा देशको प्रतिनिधित्व गर्दै प्रतिस्पर्धा गर्ने अवसर पाउनेछन् । क्षेत्रीय छनोट विजेताले वल्र्ड च्याम्पियनसिप खेल्नेछन् ।’ इन्टरनेसनल ई–स्पोर्ट्स फेडेरेसन (आईईएसएफ) ले १४ औं वल्र्ड च्याम्पियनसिप इन्डोनेसियाको बालीमा नोभेम्बर २७ देखि डिसेम्बर ९ सम्म आयोजना गर्दै छ ।

पछिल्लो विश्व च्याम्पियनसिपमा नेपाली खेलाडीले क्षेत्रीय छनोट पार गरेर डोटा २ मा प्रतिस्पर्धा गरेको थियो । यसपालि राष्ट्रिय प्रतियोगितामा डोटा २ सहित काउन्टर स्ट्राइक ग्लोबल अफेन्सिभ (सीएसगो), मोबाइल लिजेन्ड्स ब्याङ ब्याङ (एमएलबीबी), पब्जी मोबाइल, टेकन ७ लाई समावेश गरिएको छ । युवामा निकै लोकप्रिय भएको पब्जी मोबाइलले पहिलोपल्ट नेसाको राष्ट्रिय प्रतियोगितामा प्रवेश पाएको हो । पब्जीसहित यी पा“चै खेलको विजेता विश्व च्याम्पियनसिपका लागि क्षेत्रीय छनोटमा पुग्नेछन् । क्षेत्रीय छनोटमा नेपाली खेलाडीले भारत, श्रीलंका, माल्दिभ्स, पाकिस्तान र बंगलादेशका टिमस“ग प्रतिस्पर्धा गर्नेछन् ।

बुधबार पत्रकार सम्मेलन नेपाल ई–स्पोर्ट्स च्याम्पियनसिपमा समावेश ५ खेलका उत्कृष्ट ५ खेलाडीलाई प्राइम कलेजले स्नातक तहमा पूर्ण छात्रवृत्ति दिने घोषणा गरेको छ । प्राइम कलेजका प्रिन्सिपल एनपी शर्माले भने, ‘अचेल विद्यार्थीहरूमा ई–स्पोर्ट्स निकै लोकप्रिय भइरहेको छ । खेल शिक्षा प्रदान गर्ने माध्यम पनि हो । त्यसैले च्याम्पियनसिपका उत्कृष्ट ५ खेलाडीलाई हाम्रो कलेजमा ब्याचलर तहमा रहेका कुनै पनि कोर्समा पूर्ण छात्रवृत्ति दिनेछौं । नियमित उत्तीर्ण भएसम्म छात्रवृत्ति कायम रहने छ ।’

एसियाली ओलम्पिक परिषद् (ओसीए) ले एसियाली खेलकुदमा औपचारिक रूपमा पहिलोपल्ट ई–स्पोर्ट्सलाई समावेश गरेको छ । एसियाड २०२२ मा ई–स्पोर्ट्सका आठ स्पर्धा राखिएको छ । त्यसमध्ये नेसाले डोटा २, फिफा, हर्थस्टोन, एरिना अफ भेलोर (एओभी), ड्रिम थ्री किङडोम र पब्जी मोबाइलको छनोट दुई महिनाअघि नै सम्पन्न गरिसकेको छ । चीनको हाङझाउमा सेप्टेम्बर, २०२२ मा आयोजना गर्ने निश्चित भएको एसियाली खेलकुद महामारीको कारण स्थगित गरिएको छ । ओसीएले आयोजनाको नया“ मिति तोकेको छैन ।

प्रकाशित : असार १५, २०७९ २१:४३
प्रतिक्रिया
पठाउनुहोस्

त्रिभुवन विमानस्थलको सर्भर डाउन हुँदा चार उडान प्रभावित

कम्तीमा आधा घन्टा उडान डिले, यात्रुलाई सास्ती
सुरज कुँवर

काठमाडौँ — त्रिभुवन अन्तर्राष्ट्रिय विमानस्थलस्थित अध्यागमन कार्यालयको सफ्टवेयर डाउन (बिग्रिँदा) हुँदा चार वटा अन्तर्राष्ट्रिय उडानका कम्तीमा ५ सय यात्रु प्रभावित भएका छन् । 

अध्यायन प्रमुख पुष्प शाहीका अनुसार बुधबार दिउँसो ३ बजेर ५१ मिनेटमा अध्यागनको सर्भर बिग्रिएको थियो । सर्भर बिग्रिएपछि विदेश जाने र फर्किने यात्रुलाई अध्यागन कार्यालय सेवा दिन सकेन ।

‘गृह मन्त्रालयमा रहने जीआइडीसी नामको सर्भरले काम नगर्दा चारवटा अन्तर्राष्ट्रिय वायुसेवाका कम्तीमा ५ सय यात्रुलाई समयमै पासपोर्टमा छाप लगाउने, भिषा दिने, जरिवाना तिराउने लगायत राहदानीसँग सम्बन्धित सेवा समयमै दिन सकिएन,’ अध्यागमन प्रमुख शाहीले भने, ‘करिब डेढ घन्टापछि साझ साढे ५ बजेमात्रै सर्भर बन्यो ।’

विमानस्थलमा अध्यागनको सर्भर बिग्रिएको यो तेस्रोपटक हो । विमानस्थल प्रमुख प्रेम नाथ ठाकुरले सर्भर बिग्रिएका कारण सोलबाट आएको कोरियन एयर, दिल्लीबाट आएका भारतीय वायुसेवा भिस्तारा, इन्डिगो र नेपाल वायुसेवाका यात्रुले सास्ती बेहोर्नु परेको बताए ।

सर्भर नचल्दा यी जहाज कम्तीमा आधा घन्टादेखि १ घन्टासम्म ढिलो उडेका थिए भने विदेशबाट आएका यात्रुले तीन घन्टासम्म विमानस्थलमै कुर्नुपरेको एक विदेशी वायुसेवाका स्टेशन म्यानेजरले बताए । ‘यो समस्यबारे हामीले गृहमन्त्री बालकृष्ण खाँण, गृहसचिवलाई पनि थुप्रैपटक जानकारी गराइसक्यौं तर यस्मा कसैले चासो नै दिएको देखिएन,’ एक अर्का वायुसेवाका प्रतिनिधिले भने, ‘अध्यागन कार्यालयको यो सर्भरको भन्दा पनि अरु नै केही समस्या भएकाले बारम्बार वायुसेवाले यात्रुको गाली सुन्नु परिरहेको छ ।’

प्रकाशित : असार १५, २०७९ २१:०८
पूरा पढ्नुहोस्
प्रतिक्रिया
पठाउनुहोस्
x
×