समीर र पेम्बालाई उपाधि

जुनियर पुरुषमा शिशिर श्रेष्ठले स्वर्ण, आर्यन शाहीले रजत र किरण गुरुङले कांस्य जिते । महिलामा खुशी बिक पहिलो, एन्जल क्षेत्री दोस्रो र सिमरन थापा तेस्रो भए । चारै स्पर्धामा शीर्ष तीन स्थान हात पार्नेले क्रमशः १५ हजार, १० हजार र ५ हजार रुपैयाँ पुरस्कार हात पारे ।

विजेतालाई कास्कीका सहायक प्रमुख जिल्ला अधिकारी गुरुदत्त ढकाल, नेपाल स्केटिङ तथा स्केट बोर्डिङ संघका अध्यक्ष अच्युत खनाललगायतले पुरस्कृत गरे । विभिन्न जिल्लाका करिब १ सय ५० खेलाडीले ४ स्पर्धामा प्रतिस्पर्धा गरेका थिए । फाइनल चरणमा सिनियरतर्फ पुरुष/महिलामा ९–९ खेलाडीले प्रतिस्पर्धा गरे । जुनियर पुरुषमा ९ र महिला ३ खेलाडी फाइनलका लागि छनोट भएका थिए । खेलाडीले ओलम्पिकमा खेलिने स्ट्रिट स्केटबोर्ड इभेन्टमा प्रतिस्पर्धा गरे । फाइनलका लागि भारत र मालदिभ्सबाट दुई निर्णायक पोखरा आएको संघका अध्यक्ष खनालले जानकारी दिए । पोखरामा तेस्रोपल्ट यो प्रतियोगिता भएको हो । बाँकी दुई संस्करण काठमाडौंमा भएको थियो ।