मकवानपुर गोल्डकप : पुलिस अन्तिम आठमा

ए डिभिजन लिगको नवप्रवेशी टोली खुमलटार युवा क्बलमाथि २–१ को संघर्षपूर्ण जित निकाल्दै पुलिस अघिल्लो चरणमा पुगेको हो । पुलिसको जितमा अभिषेक रिजाल र भरत शाहले गोल गरे । रिजालले खेलको दोस्रो मिनेट र शाहले २३ औं मिनेटमा गोल गरेका थिए । खुमलटारका लागि अजित लामाले ८५ औं मिनेटमा गोल गरेका थिए ।

खेलको म्यान अफ दि म्याच खुमलटारका दिवस छन्त्याल घोषित भए । उनले नगद १० हजार रुपैयाँ प्राप्त गरेका छन् । पुलिसले अन्तिम आठमा मनाङ मर्स्याङदी क्लबसँग प्रतिस्पर्धा गर्नेछ ।