पारा भारोत्तोलनमा दुर्गामानको कीर्तिमान- खेलकुद - कान्तिपुर समाचार

पारा भारोत्तोलनमा दुर्गामानको कीर्तिमान

कान्तिपुर संवाददाता

काठमाडौँ — दुर्गामान तामाङले पारा राष्ट्रिय खेलकुदअन्तर्गत राष्ट्रिय पारा भारोत्तोलन प्रतियोगितामा सोमबार राष्ट्रिय कीर्तिमान कायम गरेका छन् । सातदोबाटोस्थित अन्तर्राष्ट्रिय खेलकुद परिसरमा भएको पुरुष ७२ केजीमुनि तौलमा दुर्गामानले ९० केजी उचाल्दै आफ्नै नाममा रहेको ८९ केजीको कीर्तिमान सुधार गरे । राजाराम सिलवाल दोस्रो भए ।

राष्ट्रिय पारा भारोत्तोलन खेलकुद संघको समन्वयमा राष्ट्रिय खेलकुद परिषद् (राखेप) द्वारा आयोजित प्रतियोगिताको पुरुष ५४ केजीमा अर्जुन दोङ पहिलो भए । उनले ६० केजी तौल उठाए । दीपक तिमल्सिना दोस्रो तथा सोमनाथ राई तेस्रो भए । ६५ केजीमा ठाकुर श्रेष्ठले शीर्षस्थान हात पारे । उनले ९० केजी उचाले । निर्मल श्रेष्ठले रजत र विष्णुपुकार श्रेष्ठले कांस्य जिते । ७२ केजीमाथि किरणकिशोर सापकोटाले ९० केजी उचाल्दै स्वर्ण जिते । शरद पौडेल दोस्रो र भरत बिसी तेस्रो बने ।

महिला खुलामा सरिता थुलुङ पहिलो भइन् । सरिताले ५२ केजी उचालिन् । निर्मला भण्डारी दोस्रो र टिना महर्जन तेस्रो भए । विजेतालाई राखेपका सदस्य–सचिव टंकलाल घिसिङ, नेपाल भारोत्तोलन संघका अध्यक्ष रामकृष्ण श्रेष्ठ, काठमाडौं जिल्ला शारीरिक सुगठनका अध्यक्ष सुरेश सुवेदी, आयोजक संघका अध्यक्ष टेकबहादुर गुरुङले पुरस्कृत गरे ।

एकदिने प्रतियोगिताको पुरुषको चार स्पर्धामा ३२ खेलाडी र महिलाको एक स्पर्धामा ५ खेलाडी सहभागी थिए । पारा राष्ट्रिय खेलकुदअन्तर्गत ५ खेल प्रतियोगिता हुन बाँकी छ ।

प्रकाशित : जेष्ठ ९, २०७९ २२:१६
प्रतिक्रिया
पठाउनुहोस्

रुपन्देहीको कोटहीमाई गाउँपालिकामा लोसपा विजयी

माधव ढुंगाना

भैरहवा — कोटहीमाई गाउँपालिका प्रमुखमा लोकतान्त्रिक समाजवादी पार्टी, नेपाल उम्मेदवार बालकृष्ण त्रिपाठी ४,६३८ मत ल्याई विजयी भएका छन् ।

उनले निकटतम प्रतिद्वन्द्वी नेपाल जनता पार्टी उम्मेदवार अशोककुमार कलवारलाई ३९९ मतान्तरले पराजित गरेका हुन् । पराजित अशोककुमार कलवारले ४,२३९ मत ल्याएका छन् ।

यस्तै उपाध्यक्षमा लोकतान्त्रिक समाजवादी पार्टी, नेपालकी उम्मेदवार शुशिलाकुमारी यादव ४,७३६ मत सहित विजयी भएकी छन् । उनका निकटतम प्रतिद्वन्द्वी नेपाली कांग्रेसकी उम्मेदवार गुजराती यादवले ३,४४२ मत ल्याएकी छन् ।

प्रकाशित : जेष्ठ ९, २०७९ २१:५२
पूरा पढ्नुहोस्
प्रतिक्रिया
पठाउनुहोस्
×