रोयल जित्दा रविको स्कोर- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

रोयल जित्दा रविको स्कोर

कान्तिपुर संवाददाता

काठमाडौँ — आयोजक रोयल स्पोर्ट्स सेन्ट्रलले तेस्रो रोयल यू–२३ पुरुष बास्केटबल प्रतियोगितामा विजय पाएको छ । ललितपुरको सानागाउँस्थित घरेलु कोर्टमा बिहीबार रोयलले टिम सिंहलाई ७६–३० स्कोर अन्तरले पराजित गर्‍यो । रोयलका रवि पौडेलेले १९ स्कोर जोडे । रोयल दुवै संस्करणको विजेता हो ।

जेभियर, विशाल मिलन केन्द्र (बीएमके) र टाइम्स कलेजले पनि विजयी सुरुआत गरेका छन् । जेभियरले क्वेस्टलाई ५८–३८ ले हराउँदा जेभियरकासम्राट भूमिले सर्वाधिक २० स्कोर गरे । बीएमकेले शंकरदेव क्याम्पसलाई ५८–५० ले हरायो । बीएमकेका सोनम तेन्जिङले १९ स्कोर जोडेका थिए । अन्माइस नेपालविरुद्धको प्रतिस्पर्धामा टाइम्स ७७–४६ ले विजयी भयो । टाइम्सका मनीष केसीले १५ स्कोर जोडे ।

प्रतियोगिता आयोजक रोयलका सञ्चालकत्रय विनोद महर्जन, रविन खत्री र नृपेश श्रेष्ठले निर्णायकलाई बल हस्तान्तरण गरी उद्घाटन गरे । प्रतियोगितामा १० टिम सहभागी छन् । सहभागीलाई दुई समूहमा विभाजन गरी लिगकम नकआउट आधारमा प्रतिस्पर्धा गराइएको छ । समूहका शीर्ष दुई टोली सेमिफाइनल पुग्नेछन् । विजेता टिमले ५० हजार रुपैयाँ पुरस्कार पाउनेछ । फाइनल बुधबार हुनेछ ।

महिला खुला बास्केटबल

गोदावरी अल्मुनाई एसोसिएसन (जीएए) को आयोजनामा फादर वाटरिन महिला खुला बास्केटबल शुक्रबार सुरु हुने भएको छ ।

रोयल शर्ट्स सेन्ट्रलको कोर्टमा हुने प्रतियोगितामा ४ टिमले राउन्ड रोबिन लिगका आधारमा प्रतिस्पर्धा गर्नेछन् । रोयल, जेभियर, आईएसए नेपाल र नयाँबजार कीर्तिपुर प्रतिस्पर्धी हुनेछन् ।

राउन्ड रोबिन लिगमा शीर्ष दुई स्थानमा रहने टिमले पुन: उपाधिका लागि प्रतिस्पर्धा गर्नेछन् । फाइनल बिहीबार हुनेछ ।


प्रकाशित : जेष्ठ ५, २०७९ २२:२२
प्रतिक्रिया
पठाउनुहोस्

गगन थापाको वडा काठमाडौं-३० मा कांग्रेसको प्यानलै विजयी

कान्तिपुर संवाददाता

काठमाडौँ — काठमाडौं महानगरपालिका वडा नम्बर ३० को अध्यक्षमा नेपाली कांग्रेसका दलबहादुर कार्की निर्वाचित भएका छन्। यो कांग्रेस महामन्त्री गगनकुमार थापाको निवास रहेको वडा हो ।

निवर्तमान अध्यक्ष कार्कीले २ हजार ६१ मत ल्याएका छन् । उनको निकटतम प्रतिद्वन्द्वी नेकपा एमालेका कृष्णभक्त खड्गीले ९ सय ४८ मत प्राप्त गरेका छन् ।

सो वडामा ४ हजार ९ सय १ मत खसेको थियो। काठमाडौं महानगरपालिकाका १,२, ३, ४ र ५ नम्बर वडाको परिणाम यसअघि नै सार्वनजिक भएको छ ।

सबै वडा नेकपा एमालेका उम्मेदवारहरु विजयी भएका छन् ।

प्रकाशित : जेष्ठ ५, २०७९ २२:२०
पूरा पढ्नुहोस्
प्रतिक्रिया
पठाउनुहोस्
×