वेस्ट ह्यामसँग सिटीको बराबरी- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

वेस्ट ह्यामसँग सिटीको बराबरी

कान्तिपुर संवाददाता

काठमाडौँ — वेस्ट ह्यामले इंग्लिस प्रिमियर लिगमा म्यानचेस्टर सिटीलाई आइतबार २–२ को बराबरीमा रोकेको छ । सिटीले दुई गोलले पछाडि रहेको स्थितिबाट बराबरी निकालेको हो ।

जितले सिटीको ३७ खेलबाट ९० अंक भएको छ । यो दोस्रो स्थानमा रहेको लिभरपुलमाथि चार अंकको अग्रता हो । वेस्ट ह्यामले जेरड बोवेनको दुई गोलमा पहिलो हाफमा दुई गोलको अग्रता लिएको थियो ।

दोस्रो हाफमा सिटीका लागि ज्याक ग्रेलिसले पहिलो गोल गरे भने अर्को गोल आत्मघाती रह्यो । आइतबारका अन्य खेलमा लेस्टरले वाटफोर्डलाई ५–१ र टोटनहमले बर्नलीलाई १–० ले हरायो । लिभरपुलले सिटीभन्दा १ खेल कम खेलेको छ ।

यस्तै एस्टन भिल्ला र क्रिस्टल प्यालेस, लिड्स र ब्राइट तथा उल्भ्स र नर्विचले समान १–१ को बराबरी खेले ।

प्रकाशित : जेष्ठ १, २०७९ २१:२२
प्रतिक्रिया
पठाउनुहोस्

संखुवासभाको सभापोखरीमा कांग्रेस विजयी

कान्तिपुर संवाददाता

काठमाडौँ — संखुवासभामा सभापोखरी गाउँपालिका अध्यक्षमा नेपाली कांग्रेसका भीमबहादुर लिम्बु विजयी भएका छन् ।

लिम्बुले ३ हजार ७ मत प्राप्त गरेका छन् । उनको निकटतम प्रतिद्वन्द्वी एमालेका रत्नबहादुर सुब्बाले २ हजार ३ सय ५ मत प्राप्त गरेका छन् । उपाध्यक्षमा नेकपा एकीकृत समाजवादी लक्ष्मी चापागाई विजयी भएकी छन् ।

बरालले २४ सय ३९ मत प्राप्त गर्दा उनको निकटतम प्रतिद्वन्द्वी सविता बरालले २३ सय ७६ मत प्राप्त गरेकी छन् । सो स्थानीय तहमा गठबन्धन रहेको थियो । सो स्थानीय तहमा कांग्रेस र एमालेले ३-३ वटा वडाध्यक्ष जितेका छन् ।

प्रकाशित : जेष्ठ १, २०७९ २१:१९
पूरा पढ्नुहोस्
प्रतिक्रिया
पठाउनुहोस्
x
×