धर्मश्री उपाधि उमेशलाई

बिलिजेन्ड सेप फिटनेस, खुसिबुका संगमसागर शाक्य तृतीय भए । उनले नगद २ लाख प्राप्त गरे । नेपाल व्यायाम मन्दिरको आयोजनामा भएको प्रतियोगितामा राई ८० केजी तौल समूहमा प्रथम स्थान हात पार्दै धर्मश्री उपाधिको ओभर अल राउन्डमा प्रवेश गरेका थिए । यस्तै धिमाल ८० केजी माथिको तौल समूहमा प्रथम स्थान हात पार्दै ओभर अल राउन्डमा प्रवेश गरेका थिए । संगम शाक्यले ७० केजी तौल समूहमा प्रथम स्थान हात पार्दै धर्मश्रीका लागि प्रतिस्पर्धा गरेका थिए ।

शनिबार राति सम्पन्न प्रतियोगितामा ७ तौल समूहमा भएको प्रतिस्पर्धाबाट प्रत्येक तौल समूहमा विजेता भएका खेलाडीहरूले अन्तिम चरणमा धर्मश्रीका लागि प्रतिस्पर्धा गरेका थिए । त्यही क्रममा चौथो स्थानमा प्लानेट फिटनेस इटहरीका पुष्प शंकर रहे । उनले १ लाख ५० हजार रुपैयाँ प्राप्त गरे । पाँचौँ स्थानमा रहेका मसल एन्ड फिटनेस काठमाडौंका कृष्णबहादुर सूर्यवंशीले १ लाख पाए ।

छैटौं स्थानमा आयोजक नेपाल व्यायाम मन्दिरका डेभिड बलामी रहे । ६० केजी तौलका उनले नगद ९० हजार प्राप्त गरे । यस्तै अन्तिम तथा सातौं स्थानमा आयोजक संस्थाकै राजु राई रहे । ५५ केजी तौल समूहका उनले नगद ८० हजार प्राप्त गरे । विजयी खेलाडीहरूलाई उपराष्ट्रपति नन्दकिशोर पुनले पुरस्कार वितरण गरे ।

तौल समूहअन्तर्गत भएको प्रतिस्पर्धामा ५५ केजी तौलमा जिम एक्स नयाँबजारका उमेश डंगोल दोस्रो र हेल्थ बेनिफिटनेस, नेपालगन्जका सिद्धान्त जसरोटिया तेस्रो भए । ६० केजीमा युनिभर्सल फिजिकल फिट, भक्तपुरका किसनदास दिवाकर दोस्रो र रत्नश्री, पोखराका सुरेश लामा तेस्रो भए । ६५ केजीमा आयोजकका आशिष देवाजु दोस्रो र यारो फिटनेस, मोरङका मोनोज सुवेदी तेस्रो भए । ७० केजीमा द वर्कआउट स्टेसन नयाँबजारका अशोक महर्जन दोस्रो र रूपन्देही फिटनेस टाइमका कृष्णप्रसाद श्रेष्ठ तेस्रो भए । ७५ केजीमा बिलिजेन्ड सेप फिटनेस खुसिबुका प्रवेश श्रेष्ठ दोस्रो र आयोजकका आदित्य ठाकुर तेस्रो भए । ८० केजीमा प्याराडाइज फिटनेस सेन्टर, कलंकीका विवेकसिंह धामी दोस्रो र प्लाटिनियम फिजिक फिटनेस, बानेश्वरका हरि थापा तेस्रो भए । ८० केजी माथिको तौलमा आयोजकका ग्रिस महर्जन दोस्रो र गोर्खाली फिटनेस न्युरोडका अरुणकुमार प्रधान तेस्रो भए । दोस्रो हुनेले ४० हजार र तेस्रो हुने खेलाडीले २५ हजार नगदसहित मेडल र प्रमाणपत्र पाए ।

आश्वत र जासमिन फिजिकतर्फ विजयी

१६ औं धर्मश्रीकै दौरान पहिलो पटक आयोजना गरिएको पुरुष तथा महिला फिजिकको पुरुषतर्फ आयोजक व्यायाम मन्दिरका आश्वत स्थापित र महिलातर्फ द फिटनेस टेम्पल भक्तपुरकी जासमिन लामा विजयी भए । विजयी खेलाडीहरूले नगद २ लाखसहित मेडल, प्रमाणपत्र र अन्य उपहार प्राप्त गरे ।

पुरुषतर्फ १०१ बेस्ट फिटनेस, पोखराका सुमन श्रेष्ठ दोस्रो र आइरन प्याराडाइज फिटनेस एन्ड स्पा, काठमाडौंका ज्ञानेश्वर चौधरी तेस्रो भए । महिलातर्फ डिभाइन फिजिक फिटनेस काठमाडौंकी लुना श्रेष्ठ दोस्रो र मसल एन्ड फिटनेस, काठमाडौंकी नमानी गुरुङ तेस्रो भए । दोस्रो र तेस्रो हुने खेलाडीहरूले क्रमशः नगद १ लाख र ५० हजारसहित मेडल र प्रमाणपत्र प्राप्त गरे ।