कबड्डीमा आर्मी र एपीएफ भिड्ने

अखिल नेपाल कबड्डी संघको आयोजनामा धनगढीमा भइरहेको राष्ट्रिय पुरुष कबड्डी प्रतियोगिताको उपाधिका लागि बुधबार फाइनल हुनेछ ।

सुदूरपश्चिम खेलकुद परिषद् मुख्य प्रवर्द्धक रहेको प्रतियोगितामा मंगलबार लिग चरणका खेल र सेमिफाइनल खेल भए । पहिलो सेमिफाइनलमा आर्मीले लुम्बिनी प्रदेशलाई ४५–१२ अंकले हरायो । एपीएफले सुदूरपश्चिममाथि ३७–३२ अंकको जित पायो ।

सर्वाधिक धनराशिको प्रतियोगिता विजेताले १ लाख ५० हजार र उपविजेताले ८० हजार र सेमिफाइनल पुगेका दुई टोलीले समान ४० हजार रुपैयाँ पाउनेछन् ।