टीका भैरव सो क्योकुसिनलाई ४ स्वर्ण

बाँकी १–१ स्वर्ण वज्रबाराही र केन्द्रीय डोजोले जिते । गोदावरी नगरपालिकाको टीका भैरवमा भएको प्रतियोगिताको पुरुष ३० केजीमा टीका भैरवका अमृत नगरकोटी पहिलो भए । फाइनलमा उनले आफ्नै डोजोका निरोज नगरकोटीलाई पराजित गरे । ४० केजीमा टीका भैरवका निरन स्याङ्तानले फाइनलमा टीका भैरवकै विजय स्याङ्तानलाई हराउँदै शीर्ष स्थान हात पारे ।

५० केजीको फाइनलमा टीका भैरवका सुदीप मगरले पाथीभराका सुनिल तामाङलाई हराए । ५५ केजीमा वज्रबाराहीका जयराम भुलनले पहिलो स्थान हात पारे । उनले फाइनलमा आईकेकेएफका मनीष कार्कीको चुनौती समाप्त पारे । खुलामा टीका भैरवका अजय तामाङ च्याम्पियन बने ।