बेंगलोरसँग मुम्बईको लगाचार चौथो हार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पुना — इन्डियन प्रिमियर लिग (आईपीएल) २०२२ मा शनिबार रोयल च्यालेन्जर्स बेंगलोरले मुम्बई इन्डियन्सलाई सात विकेटले पराजित गरेको छ । यो जितपछि बेंगलोर अंक तालिकाको तेस्रो स्थानमा उक्लेको छ । मुम्बईको भने यो लगातार चौथो हार हो ।
![](https://assets-cdn.ekantipur.com/uploads/source/ads/900x100-1172024092759.gif)
![बेंगलोरसँग मुम्बईको लगाचार चौथो हार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/ipl-1042022032240-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
आईपीएल इतिहासकै सबैभन्दा सफल दुई टिम मुम्बई र चेन्नाई सुपर किंग्स दुवै जितहीन छन् भने दुवैले समान चार हार बेहोरेर पुछारमा रहेका छन् । बेंगलोरको भने ६ अंक भएको छ ।
पहिले ब्याटिङ गरेको मुम्बईले सूर्यकुमार यादवको ६८ रनको मद्दतले ६ विकेटमा १ सय ५१ रन बनाएको थियो । जवाफमा बेंगलोरले १८.३ ओभरमा तीन विकेट गुमाएर १ सय ५२ रन बनायो ।
विजयी टिमका लागि अनुज रावतले ६६ र विराट कोहलीले ४८ रन बनाए । उनीहरूले दोस्रो विकेटका लागि निर्णायक ८० रनको साझेदारी गरे ।
![](https://assets-cdn.ekantipur.com/uploads/source/ads/900-x-100-0172024023126.gif)
प्रतिक्रिया