इटहरीमा आर्मी विजयी

पहिलो हाफको २८ औं मिनेटमा आर्मीका टेकबहादुर बुढाथोकीले गोल गर्दै टिमलाई अग्रता दिलाए । १२ औं मिनेटमा सन्तोष तामाङले प्रहार गरेको बल पोस्ट नजिकबाट बाहिरियो । पाएको अवसर गुमाउँदा पहिलो हाफमा आर्मीले थप गोल गर्न सकेन । दोस्रो हाफको १९ औं मिनेटमा बक्स एरियाबाट भरत खवासले गोल गरे । पहिलो हाफको तुलनामा जागृति क्लब लयमा देखिए पनि फिनिसिङमा चुकेको थियो । खेलको २३ औं मिनेटमा जागृतिका विजय भुजेलले बक्स एरियाबाट आकर्षक गोल गर्दै खेलमा फर्किएको संकेत गरेको थियो ।

जागृतिले फ्रिकिक अवसर सदुपयोग गर्न सकेन । आर्मीका टेकबहादुरले २८ औं मिनेटमा बक्सभित्र प्राप्त बललाई पोस्टको दिशा दिन सकेनन् । आर्मीका भरत खवास म्याद अफ द म्याच भए । उनले ५ हजार रुपैयाँ प्राप्त गरे । आइतबार कञ्चनजंघा फुटबल क्लब भारत र मनाङ मर्स्याङ्दी क्लबबीच प्रतिस्पर्धा हुनेछ ।