मुुख्यमन्त्री कप राष्ट्रिय भलिबल

आर्मी र सुदूरपश्चिम विजयी

धनगढी — मुख्यमन्त्री कप राष्ट्रिय पुरुष भलिबल प्रतियोगितामा विभागिय टोली त्रिभुवन आर्मी क्लब र सुदूरपश्चिम प्रदेशले विजयी सुरुआत गरेका छन् । धनगढीमा सोमबार सुरु प्रतियोगिताको उदघाटन खेलमा आर्मीले कर्णाली प्रदेशलाई २५–१८, २५–१०, २५–१६ को सेटमा हरायो । दोस्रो खेलमा सुदूरपश्चिमले मधेस प्रदेशलाई २५–१७, २५–२२, २५–२२ को सोझो सेटले रोक्यो ।

सुदूरपश्चिम प्रदेश खेलकुद परिषद्को आयोजनामा भएको प्रतियोगिताको सुदूरपश्चिम मुख्यमन्त्री त्रिलोचन भट्टले उद्घाटन गरे । परिषद्का सदस्यसचिव दीपकबहादुर सिंहका अनुसार चैत १२ सम्म चल्ने प्रतियोगितामा ७ प्रदेश र ३ विभागीय गरी १० टोलीको सहभागिता रहनेछ । विजेताले ४ लाख, उपविजेताले २ लाख, तेस्रो हुने टोलीले १ लाख र चौथो स्थान प्राप्त गर्ने टिमले ५० हजार रुपैयाँ गर्नेछन् ।