रुपन्देही सुपर लिग : बुटवल–११ विजयी- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

रुपन्देही सुपर लिग : बुटवल–११ विजयी

सन्जु पौडेल

तिलोत्तमा — भैरहवामा जारी नेपाल टेलिकम रुपन्देही सुपर लिगअर्न्तगत डिभिजन ‘ए’को बुधबारको खेलमा बुटवल–११ क्रिकेट क्लबले जित निकालेको छ । उसले तिलोत्तमा क्रिकेट क्लबलाई ५६ रनले पराजित गरेको हो ।

सिद्धार्थ क्रिकेट रंगशालामा टस जितेर ब्याटिङ गरेको बुटवल–११ ले निर्धारित ५० ओभरको खेलमा ३९.२ ओभरमा सबै विकेट गुमाउँदै १ सय ५६ रनको योगफल बनायो । उसका लागि विवेश खातीले ४३, विवेक शर्माले २७ तथा इशान पाण्डे र अविषेक ठाकुरले समान २६–२६ रनको योगदान दिए । बलिङमा तिलोत्तमाका अमरसिंह रौतेल र कृष्ण पराजुलीले समान ३–३ तथा कृष्ण कार्कीले २ विकेट लिए ।

जवाफी ब्याटिङ गरेको तिलोत्तमा ३७ ओभरमा सबै विकेटको नोक्सानीमा १०० रनमै समेटियो । उसका लागि कृष्ण भुसालले २३, भुवन गैरेले २० र अमरसिंह रौतेलले १४ रन बनाए । तिलोत्तमालाई सस्तैमा रोक्न बलिङमा बुटवल–११ का सुभम घमालले ४, सोनु तामाङले ३ र इशान पाण्डेले २ विकेट लिए । सुभम घमाल म्यान अफ द म्याच बने ।


प्रकाशित : चैत्र २, २०७८ १८:०५
प्रतिक्रिया
पठाउनुहोस्

गोरखामा करणी आरोपित युवा पक्राउ

कान्तिपुर संवाददाता

गोरखा — १३ वर्षीय बालिकालाई जबरजस्ती करणी गरेको आरोपमा २९ वर्षीय युवा पक्राउ परेका छन् । फागुन १९ गते राति ललाइफकाई करणी गरेको भन्दै पीडितको आमाले दिएको जाहेरीका आधारमा युवकलाई पक्राउ गरिएको जिल्ला प्रहरी कार्यालय गोरखाका प्रहरी निरीक्षक धर्म अधिकारीले बताए ।

प्रहरीका अनुसार पीडित र आरोपित नाताले मामा–भान्जी पर्छन् ।

मंगलबार पक्राउ परेका युवकविरुद्ध बुधबार जबरजस्ती करणी शीर्षकमा जिल्ला अदालतमा मुद्दा दर्ता गरिएको छ । ती युवकमाथि म्याद थप अनुसन्धान भइरहेको प्रहरीले जनाएको छ ।

प्रकाशित : चैत्र २, २०७८ १७:५६
पूरा पढ्नुहोस्
प्रतिक्रिया
पठाउनुहोस्
x
×