तीर्थ र अनिताले जिते अल्ट्रा म्याराथन

सोलुखुम्बुका अर्जुन कुलुङ दोस्रो र भोजपुरका उमेश राई तेस्रो भए । रुकुम पश्चिमका दुर्गा बुढामगर चौथो भए । महिलातर्फ सोलुखुम्बुकी अनिता राई दोस्रो र रोल्पाकी आश्मा विश्वकर्मा तेस्रो भए । ओखलढुंगाकी पदमकुमारी सुनुवार चौथो भइन् ।

जिल्लाकै सबैभन्दा अग्लो स्थान थोलेदेम्बाको शीर ३ हजार ३ सय ५० मिटर उचाइबाट सुरु भएको दौड पिके–पिकको फेदी हुँदै पात्ले, खिजिफलाँटे, रगनी, पोकली झरनामा आएर टुंगिएको थियो । खिजिदेम्बा गाउँपालिकाले आयोजना गरेको म्याराथन ओखलढुंगा पर्यटन विकास समिति तथा लिखु गाउँपालिकाले साथ रहेको थियो ।

पहिले सोलुखुम्बुको पिकेदेखि थोलेदेम्बा, खिजिफलाँटेसम्म दौडिने रुट थियो । कोभिडका कारण रोकिएको यो म्याराथन तेस्रो संस्करण हो । यसवर्ष भने पोकली झरनालाई पनि पर्यटकीय रूपले प्रवद्र्धन हुने गरी रुट परिवर्तन गरिएको आयोजकले जनाएको छ ।

दुवै विजेताले जनही ६० हजार, उपविजेताले ४५ हजार, तेस्रो हुनेले ३० हजार र चौथोले १५ हजार रुपैयाँ प्राप्त गरे । प्रतियोगितमा ६३ खेलाडी सहभागी थिए । अतिथिका रूपमा अल्ट्रा म्याराथन धाविका मीरा राईको उपस्थिति थियो । म्याराथनले ओखलढुंगाको पर्यटनमा टेवा पुर्‍याएको ओखलढुंगा पर्यटन विकास समितिका अध्यक्ष तथा पर्यटन बोर्डका सदस्य रहेका दावा ङिमा शेर्पाले बताए ।