लिड्समाथि लिभरपुलको ६ गोल- खेलकुद - कान्तिपुर समाचार

लिड्समाथि लिभरपुलको ६ गोल

एजेन्सी

लन्डन — इंग्लिस प्रिमियर लिगमा लिभरपुलले बुधबार रातिको खेलमा लिड्स युनाइटेडलाई ६–० ले पराजित गरेको छ । एनफिल्डमा प्राप्त यस जितपछि लिभरपुलले शीर्ष स्थानमा रहेको म्यानचेस्टर सिटीसँगको दुरी तीन अंकमा छोट्याएको छ ।

सिटीको ६३ अंक छ भने लिभरपुलको ६० अंक भएको छ । अब योगर्न क्लोपको लिभरपुलले शनिबार लिग कपको फाइनलमा चेल्सीको सामना गर्नेछ । लिड्सविरुद्ध भने मोहमद सलाह र साडियो मानेले दुई–दुई गोल गरे ।

यस्तै, जोएल माटिप र भर्जिल भान डाइकले एक –एक गोल गरे । बुधबारकै अन्य खेलमा बर्नलीले टोटनहमलाई १–० ले हरायो भने क्रिस्टल प्यालेस वाटफोर्डमाथि ४–१ ले विजयी रह्यो ।

प्रकाशित : फाल्गुन १२, २०७८ ०७:०७
प्रतिक्रिया
पठाउनुहोस्

एटलेटिको र म्यानचेस्टर युनाइटेडबीच बराबरी

एजेन्सी

पेरिस — युरोपेली च्याम्पियन्स लिग अन्तिम १६ को पहिलो लेगमा म्यानचेस्टर युनाइटेडले बुधबार एटलेटिको म्याड्रिडलाई १–१ को बराबरीमा रोकेको छ । एटलेटिकोले आफ्नो घरमा भएको खेलमा जाओ फेलिक्सको गोलले अग्रता लिएको थियो ।

दोस्रो हाफमा म्यानचेस्टरका लागि एन्थोनी एलान्गाले गोल गरे । अब एटलेटिको म्यानचेस्टरको भ्रमणमा निस्कनेछ र त्यसमा घरेलु टिमलाई अब गोलको फाइदा हुन सक्नेछ ।

बुधबारकै अर्को खेलमा बेनफिका र आयाक्सले २–२ को बराबरी खेलेका छन् । यस नतिजापछि आयाक्सले पनि दोस्रो लेगको खेलमा गोलको फाइदा पाउन सक्नेछ ।

प्रकाशित : फाल्गुन १२, २०७८ ०७:००
पूरा पढ्नुहोस्
प्रतिक्रिया
पठाउनुहोस्
x
×