विश्वकप छनोटको सेमिफाइनलमा प्रवेश गरेकोमा नेपाली टिमलाई प्रधानमन्त्रीको बधाइ

ओमानको मस्कटमा सोमबार भएको खेलमा नेपालले क्यानडालाई ८ विकेटले हराउँदै सेमिफाइनलमा प्रवेश गरेको थियो । नेपालको जितलगत्तै प्रधानमन्त्री देउवाले खुसी व्यक्त गर्दै नेपाली टिमलाई आगामी खेलका लागि शुभकामना दिएका छन् ।

उनले नेपाली टोलीको तस्बिर पोस्ट गर्दै ट्वीटरमार्फत् बधाइ तथा शुभकामना दिएका हुन् । प्रधानमन्त्री देउवाले ट्वीटरमा लेखेका छन्, 'क्यानडाविरुद्ध जित निकाल्दै टी २० विश्वकप ग्लोबल छनोटको सेमिफाइनल प्रवेश गर्न सफल नेपाली राष्ट्रिय क्रिकेट टिमलाई हार्दिक बधाइ । भोलि (मंगलबार) हुने सेमिफाइनलमा पनि विजयी हुँदै नेपाललाई विश्वकपमा छनोट गराउन सफल हुनुहुनेछ भन्ने सुवेच्छासहित सम्पूर्ण टिमलाई शुभकामना व्यक्त गर्दछु।'

मस्कटमा मंगलबार दिउँसो नेपाल फाइनलका लागि यूएईसँग प्रतिस्पर्धा गर्दैछ । मंगलबारको सेमिफाइनलमा यदी नेपालले यूएईलाई हरायो भने नेपाल स्वत: टी-२० विश्वकपका लागि छनोट हुनेछ ।

क्यानडाविरुद्ध जित निकाल्दै 'टि२० विश्वकप ग्लोबल छनोट'को सेमिफाइनल प्रवेश गर्न सफल नेपाली राष्ट्रिय क्रिकेट टिमलाई हार्दिक बधाई।

भोलि हुने सेमिफाइनलमा पनि विजयी हुँदै नेपाललाई विश्वकपमा छनोट गराउन सफल हुनुहुनेछ भन्ने सुवेच्छा सहित सम्पूर्ण टिमलाई शुभकामना व्यक्त गर्दछु। pic.twitter.com/9mavd3Xttz

— Sher Bahadur Deuba (@SherBDeuba) February 21, 2022