कीर्तिमानविरुद्ध गणेशको कीर्तिमान

उनले आर्मीका तुलाराम महतोको १०० केजीको कीर्तिमान उछिनेका हुन् । तुलाले मंगलबारै आफ्नो ९८ केजीको कीर्तिमानमा सुधार गरेर १०० केजीको नयाँ कीर्तिमान रचेका थिए । लगत्तै गणेशले १०१ केजी उचालेर कीर्तिमान आफ्नो नाममा बनाए । तुलारामले ९८ केजीको कीर्तिमान तेस्रो सुनीललाल जोशी स्मृति भारोत्तोलनमा राखेका थिए ।

पहिलो स्थानमा तुलाराम नै रहे । उनले स्न्याचमा ८३ केजी र क्लिनमा १०० केजी गरी समग्रमा १८३ केजी उचाले । दोस्रो स्थानमा गणेश रहे । उनले स्न्याचमा ७२ केजी र क्लिनमा १०१ केजीसहित समग्रमा १७३ केजी उचालेका थिए । तेस्रो स्थानमा बर्दियाका रामकुमार थारु रहे । उनले स्न्याचमा ६५ र क्लिनमा ९० केजी गरी कुलमा १५५ केजी उचाले ।

नेपाल भारोत्तोलन संघको आयोजनामा भएको प्रतियोगिताको सोही उमेर समूहअन्तर्गत युथतर्फ पर्साका राजन पटेलले स्न्याचमा ४२, क्लिनमा ६० केजीका साथ स्वर्ण हात पारे । उनका प्रतिस्पर्धी रहेनन् । जुनियरतर्फ बाँकेका विनित योगी थारुले स्वर्ण जिते । उनले स्न्याचमा ७० केजी, क्लिनमा ९० केजी उचाले । पर्साका धिरज गुप्ता कुल १४५ केजीसहित दोस्रा र बर्दियाका सुदीप थारु कुल १४० केजीसहित तेस्रा भए ।

कार्यक्रममा १० औं सागका स्वर्ण विजेता कमलबहादुर अधिकारी र १३ औं सागका स्वर्ण विजेताद्वय विकास थापा र सञ्जु चौधरीलाई सम्मान गरिएको थियो । महिलामा युथ ४५ केजीतर्फ बर्दियाकी अरुणिमा थारुले स्वर्ण र सप्तरीकी अम्बिका यादबले रजत जिते । अरुणिमाले स्न्याचमा ३८ केजी, क्लिनमा ५० केजी तथा अम्बिकाले स्न्याचमा ३० र क्लिनमा ३५ केजी उचाले । ४९ केजी युथमा सप्तरीकी अञ्जली यादवले स्न्याचमा ३५ केजी र क्लिनमा ४१ केजी, दाङकी निशा चौधरीले स्न्याचमा ३४ केजी र क्लिनमा ३८ केजीसहित क्रमशः स्वर्ण र रजत जिते ।

जुनियरतर्फ ४५ केजीमा एकमात्र खेलाडी सप्तरीकी ज्योति मण्डलले स्न्याचमा ३५ केजी र क्लिनमा ४० केजी उचालेर स्वर्ण जितिन् । ४९ केजीमा बर्दियाकी पवित्रा थापा मगरले स्वर्ण जित्दा दाङकी सन्जना चौधरीले रजत जितिन् । ४५ केजी सिनियरतर्फ आर्मीकी मनीषा रानाभाटले स्वर्ण जितिन् । उनले स्न्याचमा ५२ केजी र क्लिनमा ६१ केजी उचालिन् । दोस्रो भएकी झापाकी करिना चौधरीले स्न्याचमा ४८ केजी र क्लिनमा ६१ केजी भार बहन गरिन् । पुलिसकी हीरामती थारुले स्न्याचमा ४६ केजी र क्लिनमा ५५ केजी उचाल्दै तेस्रो भइन् ।

४९ केजीतर्फ पुलिसकी संगीता राईले स्वर्ण र तिला राईले रजत जितेका छन् । संगीताले स्न्याचमा ५५ केजी र क्लिनमा ७३ केजी केजी उचालिन् । तिलाले स्न्याचमा ४३ केजी र क्लिनमा ५२ केजी भार बहन गरिन् । पुरुष ६१ केजीको युथमा करण थारु र जुनियरमा अजय थारुले स्वर्ण जिते । दुवै बर्दियाका हुन् ।