भाडामा बस्न आएका २ भारतीयले नशालु पदार्थ खुवाएर सुन र पैसा लुटे

जिल्ला प्रहरी कार्यालयका डीएसपी प्रकाश डाँगीका अनुसार दुई दिनअघि खगेश्वरी प्वालीको घरमा २ जना भारतीय भाडामा बस्न आएका थिए । उनीहरूले नै बुधबार राति लड्डु र चिसो पेय पदार्थमा नशालु पदार्थमा खुवाएर बेहोस बनाई लुटपाट गरेका हुन् ।

बिहीबार बिहान बेहोस अवस्थामा भेटिएका प्याली परिवार र उनको घरमा भाडामा बस्ने ८ जनालाई महाकाली प्रादेशिक अस्पतालमा भर्ना गरिएको छ । उनीहरूको अवस्था सामान्य रहेको छ ।

प्रारम्भिक अनुसन्धानमा घरबाट १० आनाको सुनको तिलहरी र ४ हजार नगद लुटिएको प्रहरीले जनाएको छ ।