बर्दघाटमा सार्वजनिक जग्गा अतिक्रमण गरेर बनाइएका टहरा हटाइयो

बर्दघाटको त्रिवेणी चोक दक्षिणतर्फ बसपार्क क्षेत्रका होटल तथा खाजाघर रहेको अस्थायी घर टहरा हटाइएको नगरपालिकाले जनाएको छ ।

नगरपालिकाले सार्वजनिक जग्गामा निर्माण गरिएका संरचना हटाउन ७ दिनको सूचना जारी गरेको र नहटाएपछि आवश्यक कदम चालिएको बर्दघाट नगरपालिकाका प्रमुख शम्भुलाल श्रेष्ठले बताए ।

सार्वजनिक जग्गामा निर्माण गरिएका अवैध संरचना हटाउने कार्यलाई अभियानकै रूपमा अघि बढाएको नगरपालिकाले जनाएको छ । संरचना हटाएको क्षेत्रका व्यवसायीले भने विकल्पबिना संरचना हटाइएको भन्दै विरोध जनाएका छ्न् ।