मकवानपुरमा गैंडाको आक्रमणबाट एक जना घाइते
मकवानपुर — गैंडाको आक्रमणबाट एक जना युवक घाइते भएका छन । मकवानपुरको मनहरी गाउँपालिका–७ मनहरी खोलामा गैंडाको आक्रमणबाट स्थानीय ३२ वर्षीय रमेश बोटे घाइते भएका हुन् ।
सोमबार बिहान खेतमा पानी लगाउन गएका बेला बोटेलाई गैंडाले आक्रमण गरेको हो । गैंडाको आक्रमणबाट बोटेको ढाड र अनुहारमा चोट लागेको छ ।
मनहरी अस्पतालमा सामान्य उपचारपछि थप उपचारका निम्ति भरतपुर अस्पताल लगिएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिए ।
प्रतिक्रिया