प्रधानमन्त्रीलाई एम्नेस्टी इन्टरनेसनलकी महासचिवको प्रश्न - ‘सिरोहियालाई किन थुन्नु भयो ?’
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाल भ्रमणमा रहेकी एम्नेस्टी इन्टरनेसनलकी महासचिव आग्नेस कालामारले प्रधानमन्त्री पुष्पकमल दाहालसँग शुक्रबार भएको शिष्टाचार भेटवार्तामा कान्तिपुर मिडिया ग्रुप (केएमजी) का अध्यक्ष कैलाश सिरोहियालाई थुन्नुको कारण सोधेकी थिइन् ।
![](https://assets-cdn.ekantipur.com/uploads/source/ads/900x100-0762024075620.gif)
![प्रधानमन्त्रीलाई एम्नेस्टी इन्टरनेसनलकी महासचिवको प्रश्न - ‘सिरोहियालाई किन थुन्नु भयो ?’](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/pm-2452024033534-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
प्रधानमन्त्री दाहालका एक सल्लाहकारका अनुसार महासचिव कालामार्डले भनिन्, ‘केएमजीका अध्यक्ष सिरोहियालाई किन थुन्नु भयो?’ जवाफमा दाहालले नागरिकताको कारण देखाउँदै २/३ दिनमा अनुसन्धान गरेर हिरासतबाट छुट्ने प्रतिक्रिया दिएका थिए ।
कान्तिपुर दैनिकले सहकारी क्षेत्रमा भइरहेको गडबढी र त्यसमा उपप्रधान तथा गृहमन्त्री रवि लामिछानेको संलग्नताबारे लगातार समाचार छाप्दै आएपछि प्रतिशोध साँध्न कान्तिपुर दैनिकको कार्यालय थापाथलीबाटै मंगलबार प्रहरीले पक्राउ गरेको थियो । पक्राउपछि सिरोहियालाई धनुषा पुर्याइएको हो ।
प्रधानमन्त्री दाहालले महासविच कालामारलाई भने बुधबार थप तीन दिनको लागि अनुसन्धानमा राख्नको लागि म्याद थप भएको छ । उनीहरुबीच संक्रमणकालीन न्याय एवं मानवअधिकारसम्बन्धी विविध विषयमा छलफल भएको थियो । दाहालले मानवअधिकारको संरक्षण र प्रवर्द्धनमा नेपाल प्रतिबद्ध रहेको उल्लेख गर्दै मानवअधिकारसम्बन्धी राष्ट्रिय तथा अन्तर्राष्ट्रिय जिम्मेवारी पूरा गर्न नेपाल सधैं प्रयत्नशील रहेको दाबी गरेका थिए ।
नेपालमा लामो समय भइसक्दा समेत संक्रमणकालीन न्यायको विषय टुंगोमा पुग्न सकेको छैन । दाहालले संसद्मा विचाराधिन रहेको संक्रमणकालीन न्यायसम्बन्धी मस्यौदा विधेयक राष्ट्रिय तथा अन्तर्राष्ट्रिय सरोकारवाला पक्षलाई विश्वासमा लिएर अगाडि बढाइने बताए । दाहालले सन् २००८ मा पहिलो पटक प्रधानमन्त्री हुँदा पनि संक्रमणकालीन न्यायलाई छिटो टुंगोमा पुर्याउने बताएका थिए । तर तेस्रो पटक प्रधानमन्त्री हुँदा समेत पीडितहरुलाई केन्द्रमा राखेर काम अघि बढ्न सकेको छैन ।
उक्त अवसरमा महासचिव कालामारले नेपालको शान्ति प्रक्रियालाई निष्कर्षमा पुर्याउन संक्रमणकालीन न्यायसम्बन्धी कानुन छिट्टै निर्माण हुने र शान्ति प्रक्रिया टुंगिने विश्वास व्यक्त गरिन् ।
प्रकाशित : जेष्ठ ११, २०८१ १९:२०