इलाम-२ उपनिर्वाचन : सुहाङ खड्काभन्दा ६ हजार ५ सय मतले अगाडि
इलाम — प्रतिनिधि सभा सदस्यका लागि इलाम-२ मा भएको उपनिर्वाचनको मतगणना जारी छ । अहिलेसम्म एमालेका सुहाङ नेम्वाङले २० हजार ५ सय ९६ मत पाएका छन् ।
उनका निकटतम प्रतिद्वन्द्वी नेपाली कांग्रेसका डम्वरबहादुर खड्काले १३ हजार ९९० पाएका छन् । खड्काको भन्दा नेम्वाङको मत ६ हजार ५ सय ७९ बढी हो ।
अहिले इलाम नगरपालिकाको मत गणना जारी छ । इलाम नगरमा ११ वटा वडा छन् । आज रातमरीमा गणना सकेर मंगलवार चाँडै अन्तिम मत परिणाम सार्वजनिक गर्ने योजनाका साथ मुख्य निर्वाचन अधिकृतको कार्यालयबाट काम भइरहेको छ ।
तेश्रो स्थानमा पहिचानवादी उम्मेदवार डकेन्द्र सिंह थेगिम छन् । उनको ९ हजार ६ सय ५९ मत छ । थेगिमलाई पछ्याइरहेका रास्वपाका मिलन लिम्वुले ३ हजार ४ सय ५० मत पाएका छन् ।
अहिलेसम्म करिव ५० हजार मत गणना भएको छ ।
प्रकाशित : वैशाख १७, २०८१ २२:०६प्रतिक्रिया