वीर अस्पतालको पुरानो भवनको बरन्डाको पर्खाल भत्कियो, ४ जना घाइते

अस्पतालमा कार्यरत एक चिकित्सकका अनुसार वीर अस्पतालको मुख्य भवनको पछाडितर्फको सीटीभीएस विभाग रहे तर्फको बरन्डाको पर्खाल भत्किएको हो । बरन्डाको पर्खाल भत्किएर कुरूवा तथा आगन्तुकहरुलाई ओत लाग्न र बस्न बनाइएको छाना माथि खसेको थियो । केही ईंटाका टुक्राहरुले छाना प्वाल परेर तल झरेपछि कुरूवाहरू घाइते भएका हुन् ।

उनका अनुसार सबै घाइतेको ट्रमा सेन्टरमा उपचार भइरहेको छ ।