लोकन्थलीमा बेवारिसे शव फेला, हत्याको आशङ्का

भक्तपुरको लोकन्थलीस्थित मनोहरामा आज बिहान एक पुरुषको बेवारिसे शव फेला परेको छ ।
आज बिहान लोकन्थली प्रहरी बिटनजिकै मनोहरा आँखा अस्पताल जाने सडकको खोचमा अन्दाजी ३५ देखि ३७ वर्ष उमेरको एक पुरुषको शव फेला परेको हो ।

हेर्दा बाहुन, क्षत्रीजस्तो देखिने जनै लगाएको कलेजी ज्याकेट, जिन्स पाइन्ट लगाएको, जुत्ता चप्पल नभेटिएको पुरुषको शव फेला परेको अनुन्धानमा खटिएको महानगरीय प्रहरी वृत्त थिमिका प्रहरी नायब उपरीक्षक रवीन्द्र रायमाझीले जानकारी दिए ।

टाउकोमा चोट भेटिएको र दाहिने कानबाट रगत आएको पुरुषको शवलाई गठ्ठाघरस्थित नागरिक अस्पताल पु¥याएर अनुसन्धान सुरु गरेको उनले बताए ।

घटनास्थल र शवको साथबाट परिचय खुल्ने केही पनि नभेटिएकाले शव कसको हो पहिचान गर्न नसकिएको बताउँदै उनले हत्या हो कि भवितव्य भन्ने बारेमा अनुसन्धान सुरु गरिसकेको जानकारी दिनुभयो । रासस

प्रकाशित : पुस १६, २०७० १२:२०