अधिकांश योजना अवरुद्ध- प्रिन्ट संस्करण - कान्तिपुर समाचार
कान्तिपुर वेबसाईट
AdvertisementAdvertisement

अधिकांश योजना अवरुद्ध

तुलाराम पाण्डे

कालीकाट — जिल्लाभर सञ्चालित अधिकांश खानेपानी योजना मर्मत सुधारको अभावमा अवरुद्ध भएका छन् ।

  वर्षेनी करोडभन्दा बढी रकम खानेपानी योजनाका लागि खर्च हुुँदै आए पनि निर्माण भएका अधिकांश योजना सञ्चालनमा छैनन् । जिल्लाभर नौ प्रतिशत योजनाबाट मात्र नियमित मर्मत सुधार भएर धाराबाट पानी आउने गरेको एक अध्ययनले देखाएको छ ।
 कालीकोटमा ७८ प्रतिशत घरधुरीलाई खानेपानी पुगेको तथ्यांक छ तर नियमित सञ्चालनमा रहेका योजनाको संख्या र त्यसबाट लाभान्वित घरधुरी न्यून छ । खानेपानी समस्याले यहाँका अधिकांश बासिन्दा अझै पनि खोला, कुवा र नदीको धमिलो पानी खान बाध्य छन् । केही गाउँमा त पानीकै लागि घन्टौं पालो कुर्नुपर्ने बाध्यता छ ।
 जिल्ला खानेपानी तथा सरसफाइ समन्वय समितिको अगुवाइमा २०६९ सम्म कालिकोटमा सञ्चालित योजनाको अध्ययन गर्दा निर्माण सम्पन्न भएका मध्ये अधिकांश योजना नियमित मर्मत सम्भारको अभावमा अवरुद्ध भएको पाइएको हो । खानेपानी योजना सञ्चालन भएका ठाउँबाट पनि खानेपानी अभाव भएको व्यापक गुनासो आएपछि तीन महिनाअघि जिल्ला खानेपानी तथा सरसफाइ समन्वय समितिले एक अध्ययन समिति गठन गरेको थियो ।

प्रकाशित : पुस १७, २०७० १३:५५
प्रतिक्रिया
पठाउनुहोस्

सदरमुकाममै पानी अभाव

काशीराम डाँगी

रोल्पा — सदरमुकाम लिबाङमा खानेपानीको उचित व्यवस्थापन गर्न नसक्दा दैनिक हजारौं लिटर पानी खेर गइरहेको छ ।

खुला पाइप जडान, ठाउँ-ठाउँमा पाइप काटिनु र उचित हेरचाहबिना पूरै पानी उपभोक्ताको धारासम्म पुग्न पाउँदैन । जसका कारण पानीको सदुपयोगमा समेत प्रश्न उब्जिएको छ । वातावरणीय परिवर्तनका कारण वर्षेनी पानीको मात्रा कम हुँदै गएको र कतिपय स्थानमा पानीका मुहान सुक्दै गएकाले गतिलो गरी पानीको व्यवस्थापन गर्न नसकेमा आगामी केही वर्षमै लिबाङमा पानीको समस्या बढ्ने सम्भावना पनि उत्तिकै छ । यसबाट उब्जने नकारात्मक प्रभावप्रति कतिपय उपभोक्ता चिन्तित छन् ।
लिबाङ बजार खानेपनी उपभोक्ता समितिका अनुसार बजारभित्र रहेका करिब ५ सय उपभोक्ताले आफ्नो घर घरमा पानी आएको देख्न चाहन्छन् तर कति बेला धारो बन्द गर्ने भन्ने बारेमा कुनै चासो नै छैन । समितिका अध्यक्ष मानबहादुर खत्री भन्छन्, 'पानी आएसम्म वास्ता छैन, पानी नआए उपभोक्ता आफैले पाइप काटेर पानी तान्छन् ।' उनका अनुसार दिनदिनै बढ्दै गएका उपभोक्ता संख्यालाई पानीको व्यवस्था मिलाउन नयाँ तरिकाले सोच्न नसके केही वर्षभित्र पानीको अभाव बढ्दै जानेछ ।
लिबाङ बजार खानेपनी उपभोक्ता समितिका अनुसार सदरमुकाम लिबाङमा दैनिक २ सय १० घनमिटर -दुई लाख दस हजार लिटर) पानी खपत हुँदै आएको छ । सदरमुकाममा ल्याउने पानीका साना ठूला गरी ९ वटा ट्याङ्की छन् । ती ट्याङ्कीहरूमा दैनिक रूपमा करिब २ लाख ३० हजार लिटर पानी जम्मा हुँदै आएको छ तर ट्याङ्कीबाट उपभोक्ताका धारासम्म लैजानुअघि नै काटिएका, प्वाल पारिएका र अस्तव्यस्त पारिएका पाइपबाट पानी चुहिएर सकिन्छ । समितिका अध्यक्ष खत्री भन्छन्, 'धारा बन्द गर्ने, आफ्नो पाइपको ख्याल आफै गर्ने तथा पानी चुहिएको थाहा पाउने बित्तिकै कार्यालयमा जानकारी दिने प्रणाली सुरुवात गरे पनि खासै प्रभावकारी हुन सकेको छैन । यसका लागि सबै उपभोक्ता सचेत हुन अझै केही समय लाग्ने देखिन्छ ।'

प्रकाशित : पुस १७, २०७० १३:५४
पूरा पढ्नुहोस्
प्रतिक्रिया
पठाउनुहोस्
×