रातो मस्त्येन्द्रनाथको रथ ओकुबहालमा पुर्‍याइयो 

ब बिहीबार लगनखेल पुर्‍याउने लक्ष्य रहेको रातो मस्त्येन्द्रनाथसँग सम्बन्धित बाराही गुठीका नाइके दिलकुमार बाराहीले बताए । ‘रथ तान्नेक्रममा ढल्किएर मर्मत गर्नु परेको छ,’ उनले भने, ‘विना जंगल डोरी यात्रा गर्न सम्भव छैन ।’

मत्स्येन्द्रनाथको रथ यात्राका क्रममा लगनखेलमा नरिवल खसाल्ने जात्रा र जावलाखेलमा भोटो जात्रा मनाउने गरिन्छ । नेपालमा १२ वर्षसम्म अनिकाल परेकाले वृष्टि गराउन भक्तपुरका राजा नरेन्द्रदेव, कान्तिपुरका तान्त्रिक बन्धुदत्त आचाजु र रथचक्र भनिने ललितपुरका ललित ज्यापूले भारत आसमको कामरुपकामाक्ष पर्वतबाट मत्स्येन्द्रनाथलाई नेपाल ल्याइएको लोक कथन छ ।

नेपालको सर्वप्राचीन गोपाल राजवंशावलीमा पनि नरेन्द्रदेव र आचार्य बन्धुदत्तले मच्छिन्द्रनाथको यात्रा चलाए भन्ने उल्लेख छ ।