२४.१२°C काठमाडौं
काठमाडौंमा वायुको गुणस्तर: १४८

कूटनीतिज्ञ थापालाई वसुन्धराश्री र शाहलाई मानश्री पुरस्कार

काठमाडौँ — वसुन्धरा-मान प्रज्ञा प्रतिष्ठानले यस वर्षको वसुन्धराश्री पुरस्कार कूटनीतिज्ञ भेषबहादुर थापालाई दिने निर्णय गरेको छ । शुक्रबार प्रतिष्ठानका कुलपति दुबसु क्षेत्रीको अध्यक्षतामा बसेको बैठकले पूर्वपराष्ट्रमन्त्रीसमेत रहेका थापालाई २०८१ सालको वसुन्धराश्री पुरस्कार प्रदान गर्ने निर्णय गरेको हो ।

कूटनीतिज्ञ थापालाई वसुन्धराश्री र शाहलाई मानश्री पुरस्कार

थापा भारत र अमेरिकाका लागि नेपालका पूर्वराजदूतसमेत हुन् । थापाले आधुनिक नेपालको विशिष्ट कूटनीतिज्ञका रूपमा अन्तर्राष्ट्रिय जगतमा नेपालको सम्पर्क र सम्बन्ध विस्तारद्वारा मुलुकको छवि र प्रतिष्ठा अभिवृद्धि गरी विश्व समुदायमा नेपाल र नेपालीको स्थान र पहिचान उच्च र अक्षुण्ण राख्न महत्त्वपूर्ण योगदान पुर्‍याएको प्रतिष्ठानका सदस्य-सचिव कृसु क्षेत्रीले जनाएका छन् ।

त्यसैगरी, प्रतिष्ठानले कूटनीतिज्ञ विन्देश्वरी शाहलाई यस वर्षको मानश्री पुरस्कार दिने निर्णय गरेको छ । शाह पहिलो नेपाली महिला राजदूत हुन् । । २०४४ सालमा परराष्ट्र सेवाबाट शाह नेपालकै पहिलो महिला राजदूत (भारतका लागि) भएकी थिइन् । कूटनीतिज्ञका रूपमा शाहले अन्तर्राष्ट्रिय जगतमा नेपालको सम्पर्क र सम्बन्ध विस्तारद्वारा मुलुकको छवि र प्रतिष्ठा अभिवृद्धि गरेको पनि प्रतिष्ठानले जनाएको छ । दुवै पुरस्कारको राशि ७५ हजार रुपैयाँ रहेको छ ।

प्रकाशित : वैशाख ८, २०८१ १३:२२
प्रतिक्रिया
पठाउनुहोस्
जनताको राय

धावनमार्गको पिच उप्किएपछि त्रिभुवन अन्तर्राष्ट्रिय विमानस्थलमा शुक्रबार केहीबेर विमान उडान र अवतरण नै रोक्नुपर्ने अवस्था आउनुलाई के भन्नुहुन्छ ?