२६.१२°C काठमाडौं
काठमाडौंमा वायुको गुणस्तर: १८९

'एक मुठ्ठी बादल'को छायांकन सम्पन्न

काठमाडौँ — साहारा शर्माको निर्देशनमा फिल्म 'एक मुठ्ठी बादल'को छायांकन सम्पन्न भएको छ । बहुसंख्यक महिला महिलाहरुको सहभागितामा निर्माण भएको फिल्मको छायांकन २२ दिनमा सकिएको हो ।

'एक मुठ्ठी बादल'को छायांकन सम्पन्न

नारी दिवको दिनदेखि छायांकन सुरु भएको यो फिल्मलाई पोखराका लामाचौर र आसपासका ठाउँमा सिनिमेटोग्राफर लिन ड्यानले खिचेकी हुन् । भियतनामकी ड्यानको यो तेश्रो फिचर हो भने, एक मुठ्ठी बादल पहिलो नेपाली फिल्म हो । त्यस्तै, प्रडक्सन डिजाइनमा भारतकी यशस्वी सबरवाल, अडियो मिक्सर प्रियंका गायकवाड, र प्रमुख सहायक निर्देशक मर्णा जेम्स रहेका छन् ।

फिल्ममा पोशाक विभागको जिम्मेवारी जानकी कडायतले सम्हालेकी थिइन् भने मेकअप कीर्ति जोशीले गरेकी हुन् । निकुन श्रेष्ठको कार्यकारी निर्माता रहेका फिल्मलाई अभिमन्यु दीक्षित, अनुप पौडेल, र सामीप्यराज तिमल्सेनाले संयुत्त रुपमा निर्माण गरेका हुन् । गौथली इन्टरटेन्मेन्ट, मन प्रोडक्सन र अन्डरग्राउन्ड टकिजको प्रस्तुति रहेको फिल्ममा महिला कलाकारलाई नै प्रमुख भूमिकामा देखिँदैछिन् ।

पर्दा पछाडि मात्रै नभइ पर्दामै देखिने कलाकारमा पनि महिलाको उपस्थिति उलेख्य छ । फिल्ममा अभिनेत्री आँचल शर्मा, निशा शर्मा, उषा रजक, अस्मिता गौतम, भीमा मैनाली, शेखर चापागाइँ, मनिष निरौला, गौरव विष्ट, सहयोग राज अधिकारी, अविरलप्रताप अधिकारीको अभिनय छ ।

प्रकाशित : वैशाख २, २०८१ १५:२६
प्रतिक्रिया
पठाउनुहोस्
जनताको राय

महालेखापरीक्षकको प्रतिवेदनअनुसार गत वर्षभन्दा यसपाली करिब सवा २ खर्ब बेरूजु रकम बढ्नुको संकेत के हो ?