महजात्राका लागि मदनकृष्ण तथा हरिवंश अस्ट्रेलियामा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
अस्ट्रेलिया — कलाकार मदनकृष्ण श्रेष्ठ तथा हरिवंश आचार्यसहित करिब आधा दर्जन कलाकारको टोली अस्ट्रेलिया तथा न्युजिल्याण्डमा आयोजना हुन लागेको महजात्रा कार्यक्रमका लागि पश्चिम अस्ट्रेलिया आइपुगेका छन् ।
![](https://assets-cdn.ekantipur.com/uploads/source/ads/900x100-1172024092759.gif)
![महजात्राका लागि मदनकृष्ण तथा हरिवंश अस्ट्रेलियामा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/img-20240525-wa0009-2552024085415-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
श्रेष्ठ र आचार्यसँगै टोलीमा किरण केसी, नरेन्द्र कंसाकार, गायिका कुन्ती मोक्तान, शिला बहादुर मोक्तान तथा आचार्यकी श्रीमती रमिला आचार्य छन् । महजोडी सहितको टोली करिब १ दशकपछि अस्ट्रेलियामा महजात्रा मार्फत देखिन लागेका हुन् ।
मेलबर्नमा रहेको संस्था सोलाञ्चरको आयोजनामा हुने महजात्रा अस्ट्रेलियाको पर्थबाट सुरु हुँदैछ । पर्थका साथै सिड्नी, मेलबर्न, एडिलेड, क्यानबेरा तथा न्युजिल्याण्डको अकल्याण्ड र क्राइष्टचर्चमा आयोजना हुनेछ ।
महजोडी सहितका सबै कलाकार पश्चिम अस्ट्रेलियाको पर्थमा शनिबार साँझ आयोजना हुने कार्यक्रमका लागि शुक्रबार पर्थ पाइपुगेका हुन् । अनेसास पर्थले आयोजना गरेको उक्त कार्यक्रम ओक्टागन थिएटरमा हुनेछ । कार्यक्रममा नेपाली तथा अन्यु मुलका सहित ५ सय बढी दर्शकले सहभागिता जनाउने आयोजकले बताएको छ ।
सोलाञ्चरले जनाए अनुसार पर्थपछि महजात्रा २९ मे मा क्यानबेरामा आयोजना हुदैछ भने सिड्नी, एडिलेड र मेलबर्नमा क्रमस जुनको २, ७ र ८ तारिखमा हुनेछ । आयोजकका अनुसार अस्ट्रेलियाको सबै कार्यक्रम सकेर अकल्याण्डमा तथा क्राईष्टचर्चमा १५ र २२ जुनमा आयोजना हुने कार्यक्रमका लागि महजोडी सहितको टोली न्युजिल्याण्ड जानेछ ।
कार्यक्रमका लागि पर्थ आइपुगेका कलाकारको टोलीलाई अनेसास पर्थका पदाधिकारीले स्वागत गरेका थिए । उक्त अवसरमा कलाकारले अस्ट्रेलियामा लामो समयपछि महजात्रा सहित आउन पाउँदा खुसी लागेको बताए । उनीहरुले अस्ट्रेलियामा रहेका कलाप्रेमीले आफुहरु माया गरेकोप्रति धन्यवाद समेत दिएका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)