काठमाडौंका युवक ४ दिनदेखि पोखरामा बेपत्ता
गण्डकी — काठमाडौंका एक युवक पोखरामा ४ दिनयता बेपत्ता रहेका छन् । काठमाडौं टोखा नगरपालिका ८ टोखाका २८ वर्षीय विश्वास अर्याल शुक्रबारबाट बेपत्ता भएका हुन् ।
जिल्ला प्रहरी कार्यालय कास्कीका प्रहरी नायब उपरीक्षक श्रवणकुमार विश्वकर्माका अनुसार अर्याल साथीको बिहेमा जाने भन्दै उनी पोखरामा आएका थिए । त्यसयता उनको सम्पर्क हुन नसकेको परिवारको भनाइ उद्धृत गर्दै उनले भने ।
कास्की प्रहरीको टोलीले अर्यालको खोजतलास गरिरहेको छ । आफन्तको अनुरोधमा प्रहरीले सेती खोंचमा खोजतलासी गरेको जनाइएको छ ।
प्रकाशित : जेष्ठ १, २०८० १८:१६प्रतिक्रिया