पर्यटकीय नगरी पोखराको ड्यामसाइडमा शुक्रबार भेटिए भारतबाट आएका मयंक तिवारी । ८ जनाको समूहमा एक साताका लागि नेपाल आएका उनी आइतबारसम्म पोखरा बस्ने योजनामा छन् । पोखरामा घुमिवरी उनको टोली पशुपतिनाथ मन्दिरमा पूजा गर्न काठमाडौं जानेछ । भारतको हपहपी गर्मी छल्न तिवारीको टोली नेपाल आएको हो ।
पोखरा महानगरपालिकामा कार्यरत स्वास्थ्यकर्मीले तीन महिनायता तलबभत्ता पाएका छैनन् । माघको तलबभत्ता बुझे पनि त्यसयता नपाएको भन्दै स्वास्थ्यकर्मी महानगरमा तारन्तार धाइरहेका छन् । महानगरका ४८ स्वास्थ्य संस्थामा कार्यरत १ सय ९० स्थायी कर्मचारीले तलबभत्ता नपाएका हुन् ।
कलाकार बन्ने सपना बोकेर काठमाडौं लागेका थिए, पोखरा कास्कीकोटका महेश त्रिपाठी । आफ्नो सपनासँगै गाउँ छाडेका महेश अढाई दशकपछि फर्कंदा भने परिचय फेरिएको छ । खासमा पछिल्लो समय उनको परिचय बनेको छ, ‘हल्कारा’ । कारण, फिल्मको ‘हल्कारा’को सफलता र चर्चा । यो १५ वर्षलाई महेश ‘वनबास’ मान्छन् । अभिनेता बनेर पोखरा आउनासाथ उनी ‘फ्ल्यासब्याक’ मा गए । उनले देखाएको फ्ल्यासब्याकको पहिलो ‘सिन’ मा उनले पोखरा छाड्दै थिए ।
गीतकार किरण खरेल शनिबार पोखरेली युवा सांस्कृतिक परिवारको कार्यक्रममा देखिए । सांस्कृतिक परिवारले खरेललाई पहिलो अम्बर गुरुङ राष्ट्रिय संगीत पुरस्कारबाट सम्मानित गर्न पोखरा निम्त्याएको थियो । खरेल र उनका कामबारे चर्चा गर्दै कार्यक्रममा २ लाख रुपैयाँ पुरस्कारसहित कदरपत्रले सम्मानित गरियो ।
सातौं पोखरा स्पोर्ट्स अवार्ड शनिबार हुँदै छ । अवार्डका सात विधामध्ये २ विधाका विजेताको नाम सार्वजनिक भइसकेको छ । लाइफटाइम एचिभमेन्ट अवार्ड बक्सिङका प्रशिक्षक विद्याप्रसाद मर्सानीलाई प्रदान गरिने भने उत्कृष्ट खेल संस्थामा कास्की जिल्ला ह्यान्डबल संघ पुरस्कृत हुनेछ ।
भारतको अयोध्यामा स्थापना गर्न लागिएको रामलीला प्रतिमा निर्माणका लागि गण्डकीबाट दुईवटा शिला भारत लगिए । गत माघमा म्याग्दीको बेनी नगरपालिका ६ ठूलोपहिरोबाट कालीगण्डकी नदी किनारका शिला झिकेर भारत लगिएको थियो ।
श्रीमान् बितेपछि रामेछाप छाडेर पोखरा आएकी ५६ वर्षीया अम्बिका विक ५ वर्षयता फेवाताल किनारमा चटपटे बेच्छिन् । यसबाट ६ छोराछोरीको लालनपालन गर्दा बचेको केही पैसा सहकारीमा जम्मा गर्छिन् । दिनको ५ सय रुपैयाँ पोखराको शिव शिखर बहुउद्देश्यीय सहकारीमा बचत गर्दा झन्डै डेढ लाख पुगेको छ । तर त्यो रकम उनले पाउने टुंगो छैन ।
कास्कीको पोखरा महानगरपालिका-१५ सेती किनारको खोंचमा खसेकी बालिकाको निधन भएको छ । पोखरा-८ नागढुंगाकी १२ वर्षीया स्मृति पराजुली दिउँसो ३ बजेतिर खोंचमा खसेकी थिइन् । खोंचमा खसेको झण्डै साढे २ घण्टापछि मात्रै उनको उद्धार भएको थियो ।