भन्सार छली ल्याइएका जुत्ता चप्पल बरामद 

भारतबाट ल्याइएको जुत्ताहरू अनाधिकृतरूपमा भण्डारण गरी राखेकोमा गोप्य सूचनाको आधारमा जिल्ला प्रहरी कार्यालयबाट खटिएको प्रहरी टोलीले उक्त जुत्ताका गोदाममा छापा मारेर बेवारिशे अवस्थामा जुत्ताहरू बरामद गरेको छ ।

गोदामबाट ६ सय ९५ जोर जुत्ता, ३७ पिस सुपर क्लिक क्रिम, प्लाष्टिकको लेडिज चप्पल २६ पिस समेत बरामद भएको छ । बरामद जुत्ता, चप्पल लगायतका बस्तुको मूल्य करिब ७ लाख ५ हजार रुपैयाँ रहेको छ । ती सामग्री वीरगन्ज भन्सार कार्यालयमा बुझाइएको जिल्ला प्रहरी कार्यालय पर्साका प्रवक्ता डिएसपि ध्रुव कुमार श्रेष्ठले जानकारी दिए ।