इद उल्लास

सानादेखि ठूलो सबै बिहानै स्नान गरी सफासुग्घर भइ नयाँ कपडा लगाएर पुगेका थिए । सबैले धार्मिक विधिपूर्वक नमाज पढे । सबै जनाले अंगालोमा बाँधिएर गला मिलाउँदै खुसीयाली साटासाट गरे ।

गरिब विपन्नलाई दान गरे । छोट्की तौलिहवामा रहेको इमाम अहमद बिन हम्मल मस्जिदमा महिलाहरूले पनि धार्मिक विधिपूर्वक सामूहिक नमाज पढे । नमाजस्थलमा शुभकामना आदानप्रदान गर्न कपिलवस्तु नगरपालिका नगरप्रमुख सुदीप पौडेल, पूर्वमन्त्री तथा राजदूत दीपकुमार उपाध्याय र पूर्व मन्त्री बृजेशकुमार गुप्ता पुगेका थिए । कपिलवस्तु जिल्ला मुलुककै दोस्रो ठूला मुस्लिम बहुल क्षेत्र हो ।