३०.१२°C काठमाडौं
काठमाडौंमा वायुको गुणस्तर: १८४

टुँडिखेलमा यसरी मनाइयाे तमू ल्होछार [फोटोफिचर]

काठमाडौं — गुरुङहरुले शुक्रबार देश-विदेशमा ‘तमू ल्होसार’ पर्व मनाउने क्रम चलिरहेको छ । बाँदर वर्गलाई बिदाइ गरी चरा वर्गलाई स्वागत गरेर ल्होछार/ल्होसार पर्व मनाएका हुन् । हरेक वर्षको पुस १५ गते मनाइने तमू ल्होसारको अवसरमा काठमाडौं उपत्यकामा रहेका गुरुङहरुले टुँडिखेलमा भेला भएर ल्होछार पर्व मनाए ।

टुँडिखेलमा यसरी मनाइयाे तमू ल्होछार [फोटोफिचर]

दिउँसो आयोजना गरिएको समारोह प्रधानमन्त्री पुष्पकमल दाहालले उद्‍घाटन गरेको कार्यक्रममा विभिन्न राजनीतिक दल, संघसंघका प्रतिनिधि लगायतकदो उपस्थिति थियो । त्यसअघि गुरुङहरु आफ्ना मौलिक भेषभूषा, बाजागाजा र झाँकीसहित टुँडिखेल आसपास र्‍यालीले परिक्रमा गरेका थिए ।

 

ठूलो संख्यामा जम्मा भएका गुरुङहरुले एकता र मौलिक पहिचान प्रदर्शन गरे ।

कार्यक्रममा गुरुङ समुदायका अलावा गैर गुरुङहरुले जम्मा भएर रमाइलो गरेका थिए ।

कार्यक्रममा विभिन्न साँस्कृतिक प्रस्तुति देखाइएको थियो ।

‘तमू ल्होसार’ पर्व सूर्यको किरणसँग सम्बन्धित छ । गुरुङ बाहुल्य रहेको लमजुङ, गोरखा, तनहुँ, स्याङ्जा, मनाङ, कास्की, पर्वतलगायत जिल्लामा सूर्यको ताप पहिले आउने भएकाले पुस १५ मा यो पर्व मनाउने गरिएको हो ।

शब्द/तस्बिर : अंगद ढंकाल 

प्रकाशित : पुस १५, २०७३ १८:०५
प्रतिक्रिया
पठाउनुहोस्
जनताको राय

भारतका २ ब्रान्डका गुणस्तरहीन मसला आयतमा प्रतिबन्ध लागेको छ । अन्य खाद्य सामग्रीबारे पनि अब सरकारले मुख्य रुपमा के गर्नुपर्छ ?