ल्होसारमा लमजुङ [फोटो फिचर] - फोटोफिचर - कान्तिपुर समाचार
कान्तिपुर वेबसाईट
AdvertisementAdvertisement

ल्होसारमा लमजुङ [फोटो फिचर]

गुरुङ समुदायको ल्होसार मनाइँदै
आश गुरुङ

लमजुङ — आज पुस १५ । तमू अर्थात गुरुङ समुदायको महान पर्व तमू ल्होसार । ल्होसार र ल्होछार जे भनिएपनि यसपर्वलाई गुरुङ समुदायले बर्ग फेरिएको दिनको रुपमा लिन्छन् ।

केहीबर्ष अघिसम्म पुस १५ को दिनमात्रै चहलपहल देखिने गाउँसमाजमा केही बर्षयता ल्होसारको अघिपछिका दिनमा पनि चहलपहल देखिएको छ ।

आज पुस १५ । तमू अर्थात गुरुङ समुदायको महान पर्व तमू ल्होसार । ल्होसार र ल्होछार जे भनिएपनि यसपर्वलाई गुरुङ समुदायले बर्ग फेरिएको दिनको रुपमा लिन्छन् ।

केहीबर्ष अघिसम्म पुस १५ को दिनमात्रै चहलपहल देखिने गाउँसमाजमा केही बर्षयता ल्होसारको अघिपछिका दिनमा पनि चहलपहल देखिएको छ । लमजुङका गुरुङ समुदायले सदरमुकाम बेंसीसहरमा बिहीबार झाँकीसहितको र्‍याली निकालेर ल्होसारको भब्य स्वागत गरे । तमू प्ये ल्हु संघ र तमू ह्युला छोंज धीं गुरुङ राष्ट्रिय परिषद् बेंसीसहर इकाईको संयुक्त आयोजनामा टोलटोलबाट आमा तथा बाबा समूह, युवायुवतीले तमू संग्रहालयको प्रांगणसम्म र्‍याली निकालेका थिए । र्‍यालीमा गुरुङ पुरोहित घ्याब्रेपच्यु, बोन्पोलम, लामा लगायतले झाँकी प्रस्तुत गरेका थिए । तमू संग्रहालयमा आयोजना गरिएको औपचारिक कार्यक्रममा सांसद जमीन्द्रमान घलेले तीर (आर्चरी) हाने । ‘चाडपर्वले एकअर्कामा जातीय सद्भाव बढाएको छ ।

लोकतन्त्रको सुन्दर पक्ष नै यही हो’ उनले भने, ‘संविधानमा आदिवासी जनजातिका हक र अधिकार समेटिएकाले अब अधिकारलाई कसरी प्राप्त गर्न सकिन्छ भनेर अघि बढ्नुपर्छ ।’
तमू प्ये ल्हु संघका जिल्ला अध्यक्ष क्या. मिलबहादुर गुरुङका अनुसार तमू संग्रहालय बेंसीसहरमा जम्मा भएका गुरुङ समुदायका विभिन्न ब्यक्तित्वले बिहीबार राती १२ बजेसम्म जाग्राम बसेर त्यसपछि च्ह्यल्हो अर्थात चरा बर्गको स्वागत गरेका छन् । गुरुङ पुरोहित घ्याब्रेपच्युले मन्त्रपाठ गरेर प्रल्हो अर्थात बाँदर बर्गको बिदाई गरेका थिए ।

१२ बजेपछि ल्हो तोब (बर्ग फेरिएको) अवसरमा शुभकामना आदानप्रदान गरी राती खाज खाइएको थियो । तमू प्ये ल्हु युवा संघका अध्यक्ष शेष गुरुङले बिहीबार साँझ भीमसेनस्थान चोकमा मैनबत्ति बालेर ल्होसारको स्वागत गरिएको बताए । गुरुङ समुदायको १२ वटा बर्गचक्रमध्ये हरेक बर्षको पुस १५ गतेबाट अर्को बर्ग प्रारम्भ हुन्छ । गुरुङ समुदायले यही दिन नै नयाँबर्षको रुपमा लिन्छन् । ‘बर्ग फेरिएपछि हरेक मान्छे एक बर्षले जेठो हुन्छ’ गुरुङ पैंडी (पण्डित) इन्द्रबहादुर गुरुङले भने, ‘हामी कति बर्षको भयौं भनेर यही बर्ग गनेर पत्ता लगाउँछौं ।’ राम्रोनराम्रो ग्रह, विवाहवारी गर्न हुनेनहुने, घर बनाउन वा पस्न हुनेनहुने, विदेश जाने साइत सवै बर्ग हेरेर गरिने उनले बताए ।

तमू ह्युला छोंज धीं गुरुङ राष्ट्रिय परिषद् बेंसीसहर इकाईका अध्यक्ष क्या. रणबहादुर गुरुङले पछिल्लो समय गुरुङ समुदायमा जातीय जागरण आएको र आफ्नो चाडपर्व मनाउन एकजुट भएको बताए । ल्होसारको अवसरमा संग्रहालयमै आज स्यो कैं अर्थात सामुदायिक भोजको आयोजना गरिँदै छ । पछिल्लो समय बेंसीसहरका गुरुङ समुदायले ल्होसारको दिन तमू संग्रहालयमा स्यों कैं कार्यक्रम राख्दै आएको छ । टोलटोलका वासिन्दाले पुन: आ–आफ्नो समय मिलाएर टोलटोलको समाज भवनमा स्योकैं खान्छन् । स्थानीय तीर्थ गुरुङका अनुसार ल्होसारकै अवसरमा चक्रतीर्थमा सातविसे तमू समाजले ल्होसार विशेष कार्यक्रमको आयोजना गर्दैछ ।

गाउँसहर चिसापानीमा पनि ल्होसार विशेष कार्यक्रमको आयोजना गरिँदैछ । गुरुङ समुदायको घनाबस्तीहरु भुजुङ, पसगाउँ, घनपोखरा, घलेगाउँ, गिलुङ, घाम्राङ, सुन्दरबजार, भोटेओडार, भोर्लेटार, इलमपोखरी, दूधपोखरी, पाचोक, कोल्की लगायत ग्रामीण तथा सहरबजारमा ल्होसार विभिन्न कार्यक्रमको आयोजना गरि मनाइँदैछ । नयाँनायाँ लुगा लगाएर आफन्तसंग भेटघाट, सामूहिक रुपमा नाचगान, छेलो हान्ने, तीर हान्ने लगायतको कार्यक्रम गरी भोज खाएर गुरुङ समुदायले ल्होसार मनाउने गर्छन् । आजकै दिन विदेशमा रहेका गुरुङ समुदायले पनि ल्होसार मनाउँछन् ।

प्रकाशित : पुस १५, २०७३ ११:२४
प्रतिक्रिया
पठाउनुहोस्

इन्ट्याग्रीटी आइडलमा उत्कृष्ट पाँच कर्मचारीको छनोट

कान्तिपुर संवाददाता

काठमाडौं — एकाउन्टबिलिटी ल्याबको आयोजनामा हरेक वर्ष सञ्चालन हुने इन्ट्याग्रीटी आइडल को तेस्रो संस्करण इन्ट्याग्रीटी आइडल नेपाल २०१६ का उत्कृष्ट पााचको नाम सार्वजनिक भएको छ ।

उत्कृष्ट पाँचमा राष्ट्रिय पुनर्निर्माण प्राधिकरणका उपसचिव भीष्मकुमार भूसाल, महिला तथा बालबालिका कार्यालय जुम्लाकी महिला विकास निरीक्षक बिन्दु कुँवर, सिद्धबाबा उमावि, गुल्मीका प्रधानाध्यापक डोरविक्रम श्रीस, बागेश्वरी उमावि, भक्तपुरका प्रधानाध्यापक कृष्णप्रसाद धन्छा र मौनाबुधुक स्वास्थ्य चौकी, धनकुटाका स्वास्थ्य सहायक तारा सुवेदी छन् ।
अख्तियार दुरुपयोग अनुसन्धान आयोगका पूर्व प्रमुख आयुक्त सूर्यनाथ उपाध्याय संयोजक रहेको निर्णायक मण्डलमा पूर्व सचिव जीवनप्रभा लामा, ट्रान्सपरेन्सी इन्टरनेसनल नेपालका भरतबहादुर थापा र पूर्व विज्ञान तथा प्रविधि मन्त्री गणेश शाह छन् ।

जनताप्रति सरकारी अधिकारीलाई उत्तरदायी बनाउने उदेश्यले सन् २०१४ देखि इन्ट्याग्रिटी आइडलको शुरुवात गरिएको थियो । सन् २०१४ मा पााचथरका तात्कालिन जिल्ला शिक्षा अधिकारी ज्ञानमणि नेपाल इन्ट्याग्रिटी आइडल भएका थ्एि । सन् २०१५ मा गुल्मीका तात्कालिन प्रमुख जिल्ला अधिकारी प्रदिपराज कँडेल विजेता भएका थिए ।

एसएमएस र वेबसाइटबाट प्राप्त जनताको मत र निर्णायक मण्डलको मतका आधारमा इन्ट्याग्रीटी आइडल २०१६ को छनोट गरिने छ । भूसालका लागि लागि भोटिङ कोड ०१, बिन्दु कुवरका लागि ०२, डोरबिक्रम श्रीसका लागि ०३, कृष्णप्रसाद धन्छाका लागि ०४ र तारा सुवेदीका लागि ०५ निर्धारण गरिएको छ । भोटिङकालागि मोबाईलको म्यासेज बक्समा गएर IIN टाइप गरी स्पेस दिएर आफुलाई चित्त बुझेको ब्यक्तिको भोटिङ कोड लेखी ३४००१ मा पठाउन सकिने छ । त्यसैगरी भोटिङ इन्टरनेटबाट बाट पनि गर्न सकिने छ त्यसका लागि www.integrityidol.org मा गएर भोट गर्न सकिने छ । भोटिङ अवधि पुस ७ गते बिहीबार देखि पुस १६ गते शनिबार राति १२ बजे सम्म खुल्ला रहने छ ।

प्रकाशित : पुस १५, २०७३ १०:११
पूरा पढ्नुहोस्
प्रतिक्रिया
पठाउनुहोस्
×