१८.१२°C काठमाडौं
काठमाडौंमा वायुको गुणस्तर: २१९

गाडी दुर्घटना हुन नदिने उपाय

पाठक पत्र

आजकाल सार्वजनिक गाडी दुर्घटना भएका खबर बारम्बार आइरहन्छन् । सार्वजनिक गाडी दुर्घटनामा मानवीय क्षति पनि भइरहेको छ । गन्तव्यमा छिटो पुग्न गाडीमा यात्रा गर्नुपर्छ तर सुरक्षित यात्राको सुनिश्चितता छैन ।

यात्रुलाई गन्तव्यमा सुरक्षित रूपमा पुर्‍याउन चालकले निम्न विषयमा ध्यान दिनुपर्छ :
१. गाडीको नियमित जाँच गरौं, इन्जिन एवं ब्रेकको सही अवस्था ख्याल गरौं, धेरै पुराना गाडी सकेसम्म नचलाऔं ।
२. गाडी चलाउँदा मादक पदार्थ सेवन गर्दै नगरौं ।
३. गाडी चलाउँदा मोबाइल फोनबाट कुरा गर्ने, सहचालकले रुपैयाँ साट्न दिएको बेला गाडी कुदाएर पैसा साट्ने, गन्ने काम नगरौं ।
४. छेउका यात्रुसँग गफ गरेर अलमलिने काम पटक्कै नगरौं ।
५. अगाडि गुडिरहेको गाडीसँग प्रतिस्पर्धा गर्दै नगरौं ।
६. विपरीत दिशातिर जानेर पनि गाडी नचलाऔं, टर्निङ साइडतिर गति कम गरेर गाडी चलाऔं ।
७. तीव्र गतिमा गाडी पटक्कै नचलाऔं ।
८. राति जोखिम मोलेर गाडी नचलाऔं ।
९. रात्रिकालीन गाडी चलाउँदा २ जना गाडी चालक अनिवार्य राखौं, आलोपालो चलाऔं ।
१०. बाटो बिग्रिएको देखे होसियारीपूर्वक गाडी चलाऔं ।
११. क्षमताभन्दा बढी यात्रु नराखौं ।
– बोधनाथ पौडेल, नयाँ बानेश्वर, काठमाडौं

प्रकाशित : चैत्र २१, २०८० ०६:२७
प्रतिक्रिया
पठाउनुहोस्
जनताको राय

कक्षा १ मा भर्ना भएकामध्ये ५० प्रतिशत विद्यार्थी मात्र एसईई परीक्षामा सहभागी हुन्छन् । विद्यालय शिक्षा पुरा नहुँदै विद्यार्थी पलायन हुनेक्रम रोक्न के गर्नुपर्छ ?