सहकारी पीडितका मुद्दा र अन्य भ्रष्टाचारका विषय रोक्न सिरोहियालाई पक्राउ गरियो : पूर्वराजदूत कर्ण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — पूर्वराजदूत प्रा. विजयकान्त कर्णले सहकारी पीडितका मुद्दा र अन्य भ्रष्टाचारका विषयलाई रोक्नका लागि कान्तिपुर मिडिया ग्रुपका अध्यक्ष कैलाश सिरोहियालाई पक्राउ गरिएको टिप्पणी गरेका छन् । प्रहरीले मंगलबार सिरोहियालाई कान्तिपुर दैनिकको कार्यालय थापाथलीबाट पक्राउ गरी धनुषा लगेको थियो ।
![](https://assets-cdn.ekantipur.com/uploads/source/ads/900x100-0762024075620.gif)
![सहकारी पीडितका मुद्दा र अन्य भ्रष्टाचारका विषय रोक्न सिरोहियालाई पक्राउ गरियो : पूर्वराजदूत कर्ण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/bijay-kanta-karna-2352024050129-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
‘गृह मन्त्रालय लागेर प्रहरीमा निवेदन दिन लगाएर काम भएको छ । कुनै समस्या छ भने पहिले प्रमुख जिल्ला अधिकारीले अनुसन्धान गर्ने हो । प्रमुख जिल्ला अधिकारीले अनुसन्धानका लागि बोलाउने हो,’ उनले भने, ‘तर प्रहरीले सिधै पक्राउ गरेको छ । कानुन र न्यायको साथमा सिद्धान्तभन्दा पनि बदला लिने काम भएको छ ।’
पूर्वराजदूत कर्णले समाचार लेखेको कारणले नागरिकको मौलिक हकलाई राज्यले दमन गर्न नमिल्ने बताए । उनले भने, ‘सरकारको यो कदमले आम जनताको लागि संकुचन गरेको छ । मिडिया र नागरिकलाई तर्साउने काम भएको छ । यो लोकतन्त्रको विपरीत छ ।’
प्रकाशित : जेष्ठ १०, २०८१ २०:४६