कैलाश सिरोहियामाथिको धरपकड सरकारको अलोकतान्त्रिक कदम : महर
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाली कांग्रेसका केन्द्रीय सदस्य नैनसिंह महरले कान्तिपुर मिडिया ग्रुपका अध्यक्ष कैलाश सिरोहियामाथि सरकारले प्रतिसोध साँधेर धरपकड गरेको भन्दै आपत्ति जनाएका छन् । उनले सरकारको त्यो कदम अलोकतान्त्रिक र आपत्तिजनक रहेको बताए ।
![](https://assets-cdn.ekantipur.com/uploads/source/ads/900x100-1172024092759.gif)
![कैलाश सिरोहियामाथिको धरपकड सरकारको अलोकतान्त्रिक कदम : महर](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/nain-singh-mahar-28122023122415-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बुधबार सानेपास्थित केन्द्रीय कार्यालयमा जारी केन्द्रीय कार्यसमिति र संसदीय दलको संयुक्त बैठकमा बोल्दै नेता महरले भने, 'यो सरकारले जनताको हितमा काम गरेको छैन । यो लोकतान्त्रिक पद्दति अनुरुप चलिरहेको छैन । त्यसकारण यो सरकारका प्रति पार्टीको बुझाइ प्रष्ट हुनुपर्छ । उपप्रधानमन्त्री एवम् गृहमन्त्री रवि लामिछानेमाथि त अब छानबिन गर्ने मात्रै होइन, उनको राजीनामा ढिला भइसकेको छ । हिजो जसरी प्रतिसोध साँध्ने गरी कान्तिपुर पब्लिकेसनका अध्यक्ष कैलाश सिरोहियालाई धरपकड गरिएको छ, यो सरकार लोकतान्त्रिक हुनै सक्दैन ।'
उनले पार्टीले सरकारविरुद्ध सडक संघर्ष चर्काउन ढिला भएको बताए । 'संसद्मा बलियो प्रतिपक्षीको भूमिका निभाउनुपर्छ । सडकबाट पनि दबाब दिनुपर्छ,' उनले भने, 'कांग्रेसले बोलीले होइन, व्यवहारमै लोकतन्त्रकालागि संघर्ष गर्ने र लोकतन्त्र बचाउनुपर्ने स्थिति बनेको देखिएको छ ।'
नेता महरले गृहमन्त्री लामिछानेले कांग्रेसका नेताहरुमाथि अनेक आरोप लगाइरहेको भन्दै ती हरेक आरोपमाथि छानबिनका लागि नेपाली कांग्रेस खुला हुनुपर्ने बताए ।
![](https://assets-cdn.ekantipur.com/uploads/source/ads/900-x-100-0172024023126.gif)