उपप्राध्यापक चलाउनेमाथि आक्रमण गर्ने लामा पक्राउ

लामाविरुद्ध पक्राउ पुर्जी जारी भएपछि पक्राउ गरिएको हो । जिल्ला अदालत काठमाडौंले गत मंसिर ७ गते चलाउनेमाथि आक्रमण गर्ने ६ जनालाई दुई वर्ष कैद सजाय सुनाएको थियो । न्यायाधीश विनोद खतिवडाको इजलासले मुद्दाका प्रतिवादीहरू लामासहित हरि आचार्य, योगेन्द्र रावल, रूपेश साह, निरज रानामगर र सयुज श्रेष्ठ लाई मुलुकी अपराध संहिता २०७४ को दफा १९२ उपदफा (५) बमोजिम २ वर्ष कैद र २० हजार जरिवाना हुने फैसला गरेको थियो । उनीहरूविरुद्ध ज्यान मार्ने उद्योगमा मुद्दा चलेको थियो ।

उपप्राध्यापक चलाउनेलाई २८ लाख क्षतिपूर्ति भराउन पनि अदालतले आदेश गरेको छ । उक्त घटनामा मतियारको अभियोग लागेका दीपकराज ओझालाई अदालले सफाइ दिएको छ । उपप्राध्यापक चलाउनेमाथि २०७७ साल असोजमा नेविसंघका तत्कालिन इकाइ सभापित आचार्य, सचिव रावल लगायतको समूहले मरणासन्न हुनेगरी कुटपिट गरेको थियो । उनीहरूलाई कारबाहीको माग गर्दै चलाउनेले तीन वर्षदेखि संघर्ष गरिरहेका थिए ।