सहकार्यको प्रस्ताव लिएर दाहाल र ओली पुगे नेपाल निवास

बालुवाटारमा जारी बैठक स्थगित गरी दाहाल र ओली बालकुमारी पुगेका हुन् । ‘दुवै नेता सहकार्यको प्रस्ताव लिएर नेपालकहाँ जानु भएको छ,’ दाहाल सचिवालयका एक सदस्यले भने, ‘मन्त्रालयको भागबन्डा टुंग्याउनु अघि नेपाललाई सँगै लिएर जाने दुई शीर्ष नेताको चाहना छ ।’

एकीकृत समाजवादीले नयाँ गठबधनप्रति गुण र दोषका आधारमा निर्णय लिने निष्कर्ष निकालिसकेको छ । प्रधानमन्त्री दाहालले नयाँ समीकरण बनाउनुअघि एकीकृत समाजवादीसँग छलफल गरेका थिएनन् ।

सोमबार बेलुका दाहाल र माओवादी वरिष्ठ नेता माधवकुमार नेपाललाई भेट्न बालकुमारी पुगेका थिए ।