काठमाडौँ — राष्ट्रपति रामचन्द्र पौडेललाई चिनियाँ राष्ट्रपति सी चिनफिङले पठाएको बधाई सन्देश चिनियाँ राजदूतले हस्तान्तरण गरेका छन् । नेपालका लागि चिनियाँ राजदूत चेन सङले बुधबार राष्ट्रपति पौडेललाई भेट गरी सीको सन्देश हस्तान्तरण गरेको बताए ।

चिनियाँ राष्ट्रपति सीको सन्देशमा दुई देशको सम्बन्धलाई नयाँ उचाइमा पुर्‍याउने अपेक्षा गरिएको छ ।

'सम्माननीय राष्ट्रपति रामचन्द्र पौडेलज्यूसँग शिष्टाचार भेट गरेकोमा मलाई धेरै खुसी लाग्यो। मैले चीनका राष्ट्रपति सी चिनफिङको बधाई सन्देश सम्माननीय राष्ट्रपतिज्यूलाई हस्तान्तरण गरेको छु। दुई नेताका मार्गदर्शनमा चीन-नेपाल सम्बन्धलाई नयाँ उचाइमा पुर्‍याउनेछ !' बधाई सन्देश हस्तान्तरण गरेपछि चिनियाँ राजदूत चेनले भनेका छन् ।

राष्ट्रपति पौडेललाई यसअघि नै भारतीय समकक्षी द्रौपदी मुर्मूलगायतका उच्चपदस्थ अधिकारीहरूले बधाई दिइसकेका छन् । मुर्मूले राष्ट्रपति पौडेलसँग टेलिफोन कुराकानी साथै बधाई सन्देश पठाइसकेकी छन् ।

सम्माननीय राष्ट्रपति श्री रामचन्द्र पौडेल @RcPaudelNepal ज्यूसँग शिष्टाचार भेट गरेको मलाई धेरै खुशी लाग्यो। मैले चीनका राष्ट्रपति सी चिनफिङको बधाई सन्देश सम्माननीय राष्ट्रपतिज्यूलाई हस्तान्तरण गरेको छु। दुई नेताका मार्गदर्शनमा चीन-नेपाल सम्बन्धलाई नयाँ उचाइमा पुर्‍याउनेछ ! pic.twitter.com/bQ8ZrZ8e5o

— Ambassador Chen Song (@PRCAmbNepal) March 22, 2023