रास्वपाले दियो सरकार छोड्ने संकेत

इकान्तिपुरसँगको कुराकानीमा उनले सरकारमा सहभागिताबारे पार्टीले निर्णय लिने बेला आएको बताए ।

वर्तमान राजनीतिले रास्वपालाई 'खेल'मा पारेको भन्दै अब त्यसमा सहभागी नहुने निर्णय हुने सम्भावना रहेको ढकालको भनाइ छ । 'हामीले जनताको पक्षमा धेरै सम्झौता गर्‍यौं । केही न केही परिवर्तन चाँडो गर्नुपर्छ भन्ने थियो । राजनीतिक कम्प्रोमाइज गर्न हुन्न भन्ने थियौं । देश र जनताको पक्षमा काम गर्न सकिँदैन रहेछ, यसरी हुँदैन भन्ने हो,' उनले भने, 'परिवर्तनको पक्षमा कहिँ केही पनि छैन । हामीले एउटा त्रुटि भएपनि सच्याइसकिएको स्थिति छ । यो राजनीतिक खेलमा यताउति भएन । जनताको गृहमन्त्री छैन आज, यसरी त कसरी हुन्छ ?'

केन्द्रीय समिति र संसदीय दलको बैठकले गरेका निर्णय सरकारमा सहभागी मन्त्रीले पनि मान्ने ढकालको भनाइ छ । 'संसदीय दल र पार्टी केन्द्रीय समितिले निर्णय गर्छ । पार्टी सोहीअनुसार अगाडि बढ्छ । यसमा उहाँ (मन्त्री)हरू पनि मान्नुहुन्छ । उहाँहरूले पार्टीमा धारणा राखेर कुरा मान्नुहुन्छ ।'

पार्टीमा समग्र रूपमा पार्टीमा जाने र 'राजनीतिक कोर्स करेक्सन गरौं' भन्ने किसिमले आजको बैठकबाट निर्णय हुने ढकालको भनाइ छ ।

रास्वपाले बिहीबार साढे ४ बजे केन्द्रीय समिति र संसदीय दलको संयुक्त बैठक बोलाएको छ । बैठक पार्टी केन्द्रीय कार्यालय धुम्बराहीमा बोलाइएको छ ।