काठमाडौँ — बिवाईडी अटो इन्डस्ट्रिज कम्पनीको नेपालका लागि आधिकारिक विक्रेता साईमेक्स इन्कले प्रभु बैंकसँग वित्तीय सम्झौता गरेको छ । यो सम्झौताअनुसार बीवाईडीको विद्युतीय गाडी किन्न प्रभु बैंकले सरल रुपमा ८० प्रतिशतसम्म कर्जा प्रवाह गर्नेछ । साइमेक्स इन्कका प्रमुख वित्त अधिकारी मेमन धौगाडाले प्रभु बैंकसँगको सम्झौताले विद्युतीय गाडीमा थप पहुँच विस्तार हुने बताए ।

प्रभु बैंकका उपभोक्ता बैंकिङ प्रमुख वीरेन्द्र भट्टले विद्युतीय सवारी साधनमा स्विच गर्न चाहने ग्राहकको आवश्यकताअनुरुप बैंकले वित्तीय सहयोग गर्ने बताए । यो सहमतिपश्चात बीवाईडीका कुनै पनि डिलरबाट सवारी साधन खरिद गर्दा प्रभु बैंकबाट ५ वर्षे अवधिसम्म हुनेगरी ८० प्रतिशतसम्म ग्राहकले कर्जा प्राप्त गर्न सक्नेछन् । प्रभु बैंकका देशभर ३६५ शाखा, ७१ एक्सटेन्सन काउन्टर र ३०९ एटीएम सञ्चालनमा छन् । साईमेक्सले नेपालमा ६४.९० लाख रुपैयाँको अट्टो ३ तथा ५९ लाख रुपैयाँको अल न्यू ई ६ गाडी उपलब्ध गराउँदै आएको छ ।